کراچی : محکمہ موسمیات نے 6 اور 7 نومبر کو کوئٹہ سمیت صوبے کے مختلف اضلاع میں موسم سرما کی پہلی بارش کی پیش گوئی کردی۔
تفصیلات کے مطابق بلوچستان کے بیشتر علاقوں میں موسم خشک اور شمالی علاقوں میں سرد ہے۔
محکمہ موسمیات کا کہنا ہے کہ 6 اور7 نومبر کو کوئٹہ سمیت صوبے کے مختلف اضلاع میں موسم سرما کی پہلی بارش کا امکان ہے۔
محکمہ موسمیات کے مطابق کوئٹہ، ژوب، بارکھان، بولان ،چمن ، پشین ، قلعہ سیف اللہ ، لورالائی ،سبی، قلات، خضدار، لسبیلہ ،آواران، ہرنائی،نصیرآباد اور ڈیرہ بگٹی میں ہلکی اور درمیانی درجے کی بارش کا امکان ہے۔
اس حوالے سے تمام اضلاع کے ڈپٹی کمشنرز کو مراسلہ جاری کردیا گیا ہے۔
محکمہ این ایچ اے ،سی اینڈ ڈبیلو اور ایریگیش کو سڑکوں کی بحالی کو یقینی بنائے جانے کے احکامات جاری کردئے ہیں۔
جس میں کہا گیا ہے کہ کسی بھی ایمرجنسی کی صورت میں اضافی اسٹاف کی تعیناتی کو یقینی بنایا جائے۔
