The news is by your side.

Advertisement

آسکر نامزدگیوں پر مہوش حیات کا اعتراض

کراچی: ستارہ امتیاز حاصل کرنے والی پاکستان کی معروف اداکارہ مہوش حیات نے آسکر ایوارڈز کی نامزدگیوں پر سوالات اٹھا دیے۔

سماجی رابطے کی ویب سائٹ ٹویٹر پر مہوش حیات نے آسکر نامزدگیوں پر ناراضی کا اظہار کیا اور کہا کہ ’گزشتہ روز ہونے والی آسکر نامزدگیوں سے ایک بات واضح ہے کہ جداگانہ حیثیت اب بھی ایک بڑا مسئلہ ہے‘۔

اُن کا کہنا تھا کہ ’مغربی فلم انڈسٹری کو ابھی بہت لمبا سفر طے کرنا ہے تاکہ وہ اس اختلاف کو ختم کرسکے، اگر کوئی آگے بڑھ کر یہ کام نہیں کرتا تو شاید وقت آگیا ہے کہ ہم خود آگے بڑھیں اور اپنی کہانیوں سے دنیا کو آگاہ کریں‘۔

یاد رہے کہ ایک روز قبل آسکر ایوارڈز کی نامزدگیاں سامنے آئیں تھیں، جن میں سے ہالی ووڈ کی فلم جوکر کو سب سے زیادہ ایوارڈز کے لیے نامزد کیا گیا، علاوہ ازیں بہترین فلموں میں فورڈ ورسز فیراری، دی آئرش مین، جورجویبت، جوکر، لٹل ویمن، میرج اسٹوری، 1917، ونس اور پیراسائٹ سمیت دیگر شامل ہیں۔

اس کے علاوہ بہترین اداکار، اداکارؤں، معاون اداکار، ڈائریکٹر، سینما ٹوگرافی، میوزک ڈائریکٹر وغیرہ کی نامزدگیاں بھی کی گئیں جو تقریباً ان ہی فلموں سے تعلق رکھتے ہیں جنہیں بہترین فلم کی کیٹگری کے لیے نامزد کیا گیا۔

fb-share-icon0
Tweet 20

Comments

comments

یہ بھی پڑھیں