میکیسیکو سٹی : میکیسیکو میں ایک اور صحافی کوقتل کردیا گیا، مقتول صحافی کو بیٹے کے اسکول میں دوران تقریب نشانہ بنایا گیا۔

تفصیلات کے طابق میکسیکو میں نامعلوم افراد کی فائرنگ سے ایک اور صحافی جان سے گیا، ریاست ویراکروز میں پینتیس سالہ صحافی گومیروپیریز اپنے چھ سال کے بیٹے کے اسکول میں منعقد کرسمس تقریب میں شریک تھے کہ مسلح افراد نے فائرنگ کرکے قتل کردیا۔

پیریزرواں سال میکسیکو میں قتل ہونے والے بارہویں صحافی ہیں۔

مقتول صحافی ملک میں سیکورٹی کی ابترصورتحال اورمنشیات کی اسمگلنگ پر تنقید کیا کرتے تھے، حکام کا کہنا ہےحملہ آوروں کی تلاش جاری ہے۔

خیال رہے کہ رواں سال میکیسکومیں قتل ہونے والے صحافیوں کی تعداد12ہوگئی ہے۔

مزید پڑھیں:  سال 2017 میں دنیا بھرمیں65 صحافی اورمیڈیاورکرز قتل ہوئے،رپورٹ

یاد رہے صحافیوں کی بین الاقوامی تنظیم رپورٹرز وِدآؤٹ بارڈرز نے سال رواں کی رپورٹ جاری کردی ، رپورٹ کے مطابق سال 2017 میں دنیا بھرمیں67صحافی اورمیڈیاورکرزقتل ہوئے جبکہ 326 جیلوں میں قید ہیں۔

رپورٹ میں شام صحافیوں کے لیے خطرناک ترین ممالک میں سر فہرست ہے جبکہ دوسرےنمبر پر میکسیکو صحافیوں کے لئے خطرناک ملک ہے۔

تنظیم کے مطابق سال 2017 میں فلپائن صحافیوں کے لئے ایشیا کا سب سے خطرناک ملک قرار دیا گیا ہے جبکہ افغانستان، پاکستان اور بھارت بھی سرفہرست ہیں، پاکستان اور بھارت کا نمبر چوتھا ہے، دونوں ممالک میں سات، سات صحافیوں کو قتل کیا گیا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔