The news is by your side.

Advertisement

میکسیکو : طیارہ خوفناک حادثے کا شکار، ویڈیو منظرعام پر

میکسیکو سٹی : میکسیکو کی مغربی ریاست وراکروز میں فوجی طیارہ گرنے کے نتیجے میں 6 افراد ہلاک ہوگئے۔مقامی انتظامیہ نے تصدیق کی ہے کہ یہ حادثہ ایمیلیانو زپاٹا میونسپلٹی میں پیش آیا ہے۔

اس حوالے سے بتایا گیا ہے کہ شمالی امریکی ملک میکسیکو میں فوجی طیارہ گر کر تباہ ہوگیا ہے جس کے نتیجے میں چھ فوجی جوانوں کے ہلاک ہونے کی خبر ہے۔

میکسیکو کی فضائیہ کا ایک طیارہ ایل لینسرو ایئرپورٹ سے ٹیک آف کرنے کے بعد وراکروز کے علاقے میں گرگیا۔ حادثے کے نتیجے میں چھ فوجی جوان ہلاک ہوگئے۔ حادثے کی ممکنہ وجوہات کے بارے میں ابھی تک پتہ نہیں چل سکا ہے۔

غیر ملکی خبر رساں ادارے کے حوالے سے ملنے والی اطلاع میں قومی وزارت دفاع (سڈینا) کے مطابق رجسٹریشن نمبر3912 کے ساتھ لیر جیٹ 45 ایل لینسرو ایئرپورٹ سے ٹیک آف کرنے کے بعد گر کر تباہ ہوا۔

سڈینا نے اپنے بیان میں کہا کہ وزارت کے ہوائی حادثات کی تفتیشی اور جوڈیشل کمیشن فوج اور فضائیہ کے معائنہ اور کنٹرولر جنرل واقعہ کی ممکنہ وجوہات کا تعین ماہرین کی رپورٹس کے بعد کریں گے۔

طیارہ حادثے کے بعد جائے وقوعہ پر امدادی کارروائیوں کا آغاز کر دیا گیا ہے اور طیارہ حادثے کی تحقیقات جاری ہیں۔

Comments

یہ بھی پڑھیں