میاں چنوں کے نجی اسپتال میں ڈاکٹر نے خاتون سے مبینہ زیادتی کی کوشش کی ہے جسے گرفتار کرلیا گیا ہے۔
تفصیلات کے مطابق میاں چنوں ایک افسوسناک واقعہ پیش آیا ہے جہاں ڈاکٹر نے خاتون سے مبینہ زیادتی کی کوشش کی ہے جس کے بعد پولیس نے کارروائی کرکے ڈاکٹر کو گرفتار کرلیا۔
متاثرہ خاتون کا کہنا ہے کہ ڈاکٹر نے چیک اپ کے دوران نازیبا حرکات کیں، پولیس نے ملزم کو تھانہ سٹی منتقل کرکے تفتیش شروع کر دی ہے۔
دوسری جانب لاہور گرین ٹاؤن پولیس نے بچیوں کو ہراساں کرنیوالا ملزم گرفتار کرلیا، پولیس حکام نے بتایا سی سی ٹی وی کی مدد سے ملزم کو بارہ گھنٹے میں گرفتار کرلیا گیا۔
ویڈیو وائرل ہونے کے بعد پولیس نے مقدمہ درج کرکے کارروائی شروع کی، ملزم حمزہ کو بلاک تھری سیکٹر سی ون ٹاؤن شپ سے گرفتار کیا گیا۔
یاد رہے کہ اس سے قبل کراچی کے علاقے گلشن اقبال میں پولیس نے ایک نجی اسپتال میں کام کرنے والے وارڈ بوائے کو انتہائی نگہداشت یونٹ (آئی سی یو) میں داخل جسمانی طور پر معذور مریضہ کے ساتھ مبینہ طور پر جنسی زیادتی کرنے کی کوشش پر گرفتار کرلیا تھا۔
