میاں چنوں : دو بہنوں کی باراتیں دلہنوں کو لیے بغیر واپس چلی گئیں، باراتیں واپس جانے کی وجہ دھوکہ اور حق مہر کی مطلوبہ رقم کا نہ ماننا ہے۔
تفصیلات کے مطابق میاں چنوں کے علاقے ملت ٹاؤن کے رہائشی محمد عباس کے گھر دو بیٹیوں کی شادی والے دن باراتیں واپس چلی گئیں۔
پہلی بارات بورے والا سے آئی اور اس لیے واپس گئی کہ نکاح کے وقت حق مہر کی رقم پر فریقین میں بات طے نہ ہوسکی اور دلہا والے ناراض ہوگئے۔
جبکہ دوسری بارات غازی آباد سے آئی، دولہا نے نکاح کے بعد دلہن کو طلاق دی اور بآرات لے کرواپس روانہ ہوگیا، اس حوالے سے دلہن کے والد محمد عباس کا مؤقف ہے کہ ہمیں لڑکا کوئی اوردکھایا گیااورشادی کیلئے یہ لوگ کسی اور کو لےآئے۔
اس موقع پر فریقین میں تلخ کلامی بھی ہوئی بات ہاتھا پائی تک پہنچ گئی، اطلاع ملنے پر پولیس تھانہ سٹی نے پہنچ کرجھگڑا ختم کرایا اور باراتیوں کو واپس بھیج دیا۔
مزید پڑھیں: دلہا کا ڈانس دیکھ کر دلہن نے شادی سے انکار کردیا
واضح رہے کہ دلہاؤں کے ساتھ جانے کے بجائے گھر میں رہ جانے والی دونوں دلہنیں آپس میں سگی بہنیں ہیں۔
