The news is by your side.

Advertisement

میانوالی میں ٹرین حادثہ، آمدورفت معطل

میانوالی: کراچی سے میانوالی جانے والی مال بردار ٹرین کو حادثہ پیش آیا ہے، جس کے باعث ریلوے نظام میں تعطل پیدا ہوگیا ہے۔

ریلوے ذرائع کے مطابق میانوالی میں پپلاں ریلوے اسٹیشن کے قریب مال بردار ٹرین کی 8 بوگیاں پٹڑی سے اترگئیں، مال بردار ٹرین کراچی سے داؤ خیل کوئلہ لے کر آرہی تھی۔

ریلوے ذرائع کا کہنا ہے کہ ریلوے لائنز کمزور ہونےکی وجہ سے بوگیاں پٹڑی سے اتریں، واقعے کے بعد امدادی کرین اور عملہ کندیاں جنکشن سےروانہ کردیا گیا ہے۔

یہ بھی پڑھیں: سکھر ریجن میں ایک اور ٹرین حادثے کا شکار

حکام کا کہنا ہے کہ بوگیوں کے الٹنے سے کندیاں، ملتان سیکشن پر ٹرینوں کی آمدورفت معطل ہوگئی ہے ٹریک کی جلد از جلد بحالی کے لئے عملے کو فوری ہدایات جاری کی گئیں ہیں، ٹریک بحال ہونے میں 12 گھنٹے لگ سکتے ہیں ۔

اس سے قبل رواں سال ستمبر میں بھی کراچی سے ساہیوال آنے والی کارگو ٹرین کی پانچ بوگیاں روہڑی اور پنوعاقل کے درمیان اسٹیشن منڈو ڈیرو کے قریب پٹری سے اتر گئیں تھیں، جس کے باعث اپ ٹریک پر ٹرینوں کی آمدروفت معطل ہوئی تھی۔

مال گاڑی کی بوگیاں پٹری سےاترنے کے باعث قراقرم، پاکستان ایکسپریس اوردیگرٹرینوں کے شیڈول بُری طرح متاثر ہوئے تھے۔

Comments

یہ بھی پڑھیں