پرانے جوتوں کے ساتھ آپ کیا کرتے ہیں اسے کاٹ کبھاڑ میں رکھ دیتے ہیں اور پھر اسے پھینک دیتے ہیں لیکن امریکا میں پرانے جوتوں کی جوڑی کروڑوں روپے میں نیلام ہوگئی۔
امریکی ریاست لاس ویگاس میں باسکٹ بال کے مشہور امریکی کھلاڑی مائیکل جورڈن کے پرانے جوتوں کا جوڑا گزشتہ دنوں نیلام گھر سے 14 لاکھ 70 ہزار ڈالر (تقریباً 26 کروڑ پاکستانی روپے) میں نیلام ہوا۔
مائیکل جورڈن نے جوتوں کا یہ جوڑا 1984 میں استعمال کیا جب ان کی عمر 21 برس تھی اور انہوں نے اسی وقت باسکٹ بال کھیلنا شروع کیا تھا۔
Sotheby’s reveals that the winner of the earliest NBA game-worn Michael Jordan sneakers (matched to his fifth game), which sold for $1.47 million today, is Nick Fiorella.
Fiorella famously bought the Luka Doncic 1/1 Logoman card for $4.6 million in March. pic.twitter.com/qA49geajb7
— Darren Rovell (@darrenrovell) October 24, 2021
ان دنوں وہ ’شکاگو بُلز‘ نامی باسکٹ بال ٹیم سے وابستہ تھے اور انہوں نے اپنے پانچویں میچ میں جوتوں کا یہ جوڑا پہنا تھا۔
نائکے ایئر شپس برانڈ سے تعلق رکھنے والے ان جوتوں پر مائیکل جورڈن کے دستخط بھی موجود ہیں۔
14 لاکھ 70 ہزار ڈالر کی خطیر رقم میں نیلام ہونے کے بعد ان جوتوں نے اب تک کھیل سے متعلق مہنگے ترین داموں میں فروخت ہونے والی چیز کا عالمی ریکارڈ بھی قائم کردیا ہے۔
