The news is by your side.

Advertisement

مشعل اوبامہ امریکا کی پسندیدہ ترین خاتون قرار

واشنگٹن : مشعل اوباما نے ہیلری کلنٹن کو سترہ سال بعد شکست دے دی، سابق خاتون اوّل امریکا میں سب سے زیادہ پسند کی جانے والی خاتون بن گئیں۔

غیر ملکی خبر رساں ادارے کے مطابق بل کلنٹن کی اہلیہ، سابق صدارتی امیدوار، وزیر داخلہ اور خاتون اوّل ہیلری کلنٹن اس سال گیلپ سروے کی سالانہ رپورٹ میں تیسرے نمبر پر آئی ہیں جبکہ ٹاک شو کی میزبان اوپرا ونفرائے دوسرے نمبر پر براجمان ہیں۔

برطانوی خبر رساں ادارے کا کہنا تھا کہ ملکہ الزبتھ 50 ویں مرتبہ سب سے زیادہ پسند کی جانے والی پہلی دس شخصیات کی فہرست میں جگہ بنانے میں کامیاب رہی ہیں۔

غیر ملکی میڈیا کا کہنا ہے کہ مردوں کی فہرست میں سابق صدر باراک ایچ اوبامہ گیارویں مرتبہ سب زیادہ پسندیدہ شخصیات کی فہرست میں پہلے نمبر موجود ہیں جبکہ ڈونلڈ ٹرمپ اس فہرست میں دوسرے نمبر ہیں۔

میڈیا ذرائع کا کہنا ہے کہ سب سے زیادہ پسندیدہ شخصیات کی ووٹنگ ہر سال ہوتی ہے جو سنہ 1946 سے ہوتی آرہی ہے۔

گیلپ سروے کے مطابق سروے کے دوران 1 ہزار سے زائد بالغ نوجوانوں سے ان کی پسندیدہ شخصیات کے بارے میں پوچھا گیا تھا۔

واضح رہے کہ سابق امریکی ڈیموکریٹ سینیٹر اور وزیر داخلہ ہیلری کلنٹن 22 مرتبہ اس فہرست میں پہلے نمبر پر آچکی ہیں۔

Comments

comments

یہ بھی پڑھیں