لاہور : چیئرمین پی سی بی مینجمنٹ کمیٹی نجم سیٹھی نے کہا ہے کہ مکی آرتھر کو کنٹریکٹ دیں گے، بات کریں گے کہ کس کو ٹیم مینجمنٹ میں لانا ہے۔

یہ بات انہوں نے لاہور میں میڈیا سے گفتگو کرتے ہوئے کہی انہوں نے کہا کہ کوئٹہ میں میچ کا انعقاد کامیاب ثابت ہوا ہے، میرا مقصد تھا اسی سال بگٹی اسٹیڈیم میں بھی میچ کراتا، اگلے ایڈیشن میں کوئٹہ شہر میں میچ ضرور کروائیں گے۔

چیئرمین پی سی بی کا مکی آرتھر سے کنٹریکٹ کرنے کے حوالے سے کہنا تھا کہ مکی آرتھر کو کنٹریکٹ دیں گے، بات کریں گے کہ کس کو ٹیم مینجمنٹ میں لانا ہے۔

اپنی گفتگو میں ان کا مزید کہنا تھا کہ میں ہارون رشید اور مکی آرتھر دونوں سے بات کروں گا، تاہم اب تک 70سے80فیصد بات مکمل ہوچکی ہے۔

نجم سیٹھی نے کہا کہ پشاور اسٹیڈیم کا کام پورا نہیں ہوا ہے، جب میں چھوڑ کر گیا تھا اور اب واپس آیا ہوں معلوم ہوا کہ تعمیراتی کام زیادہ نہیں ہوئے، پشاور میں میچ کا انعقاد ایک بڑی کامیابی ہوگی۔