ساؤتھمپٹن: پاکستانی کرکٹ ٹیم کے کوچ مکی آرتھرنے انگلینڈ کے سرد موسم میں پریکٹس کو ٹیم کے لیے مفید قرار دیا ہے.
تفصیلات کے مطابق ساؤتھمپٹن میں میڈیا سے گفتگو کرتے ہوئے مکی آرتھر نے کہا کہ وارم اپ میچز اچھے رہے، ہم نے سردی میں کافی اچھی کرکٹ کھیلی.
پاکستانی ٹیم کے ہیڈ کوچ نے کہا کہ اوول میں پاکستان اور انگلینڈ کے درمیان سیریز کے پہلے میچ میں جو ہوا، وہ مایوس کن ہے. کنڈیشن مشکل ضرور تھیں، مگر ہم نے اچھا آغاز کیا.
کوچ پاکستان کرکٹ ٹیم نے کہا ہے کہ امید ہے کہ ہم آگے اچھا کھیل پیش کریں گے، پہلے سے انگلینڈ آنا مفید ثابت ہو رہا ہے.
ان کا مزید کہنا تھا کہ کرکٹ میں کچھ بھی ہوسکتا ہے، تمام ٹیمیں اچھی ہیں، پاکستانی ٹیم نوجوانوں پرمشتمل ہے، ہمیں اپنی بہترین کرکٹ کھیلنی ہے.
مزید پڑھیں: آسٹریلیا نے رواں سال پاکستان کے خلاف سیریز کے شیڈول کا اعلان کردیا
یاد رہے کہ اس وقت پاکستانی ٹیم انگلینڈ میں موجود ہے، جہاں وہ مہمان ٹیم سے پانچ میچز کی سیریز کھیلے گی. سیریز کا پہلا میچ بارش کی نذر ہوگیا تھا.
انگلینڈ کی سیریز کے بعد پاکستانی ٹیم ورلڈ کپ کے میگا ایونٹ میں اترے گی.
