مائیکرو سافٹ نے "لومیا 950″ اور”لومیا 950 ایکس ایل” کی خریداری پرنئی تعارفی اسکیم متعارف کروادی گئی ۔ اسکیم کے مطابق نئے فون کی خریداری پر ایک فون بالکل مفت دیا جارہا ہے۔
تفصیلات کے مطابق مائیکروسافٹ ونڈوز فون صارفین کو اب تک متاتر کرنے میں ناکام رہی ہے. مائیکرو سافٹ انتظامیہ کو مسلسل ناکامی کے باعث ونڈوز فون کی فروخت میں کمی کا سامنا ہے. لومیافونز کی مقبولیت میں مسلسل کمی کے باعث دنیا بھر کے بڑے اسٹورز نے کمپنی کوفون واپس بھیج دئیے ہیں ۔
واضح رہے کہ تعارفی اسکیم میں اس فون کی قیمت ساڑھے پانچ سو ڈالر مقرر کی گئی ہے۔ جبکہ اس آفر کا اطلاق مختصر وقت کے لئے کیا گیا ہے۔ ڈیل سے فائدہ اٹھانے والے صارفین کو فائدہ اٹھانے کے لئے موبائل کی خریداری امریکی اسٹورسے کرنی ہوگی۔ اسکیم کے تحت طلبا ء 10 فیصد خصوصی رعایت دینے کا بھی اعلان کیا گیا ہے۔ مفت دئیے جانے والے موبائلز میں صرف کالا رنگ ہی دستیاب ہے۔
لومیا موبائلزاگرصارفین کو متاثر نہ کر سکے تو ممکن ہے کہ آئندہ سال لومیا کے مزید ماڈلز بنانے بند کر دئیے جائیں۔
