ہفتہ, مئی 18, 2024
اشتہار

سالوں سے مائیکروسافٹ کا حصہ رہنے والے اہم فیچر کو ختم کرنے کا اعلان

اشتہار

حیرت انگیز

مشہور زمانہ کمپنی مائیکروسافٹ نے اہم فیصلہ کرتے ہوئے ’ورڈ پیڈ‘ کو ونڈوز سے نکالنے کا اعلان کیا ہے، اب صارفین کو نئے ورژن میں یہ سہولت حاصل نہیں ہوگی۔

ونڈوز میں 30 سالوں سے شامل رہنے والے پرگرام ورڈ پیڈ کو کو کمپنی مزید اپڈیٹ کرنے کا ارادہ نہیں رکھتی، اسے ونڈوز سے مستقل طور پر ہٹانے کا فیصلہ کیا گیا ہے۔

مائیکرو سوفٹ ورڈ پیڈ بنیادی طور ٹیکسٹ ایڈیٹنگ پروگرام ہے جو اب تک لازمی طور پر مائیکروسافٹ ونڈز میں شامل رہا ہے، ورڈ پروگرام لوگں کو کو ٹیکسٹ ٹائپ اور فارمیٹ کرنے، فونٹ تبدیل کرنے، ٹیکسٹ الائنمنٹ کو ایڈجسٹ کرنے اور ٹیکسٹ کو بولڈ کرنے سمیت دیگر بنیادی چیزیں انجام دینے کی سہولت فراہم کرتا ہے۔

- Advertisement -

مائیکروسافٹ نے اپنے سپورٹ نوٹ میں کہا کہ ورڈ پیڈ کو مزید اپ ڈیٹ نہیں کیا جا رہا ہے اور اسے ونڈوز سے نکال دیا جائے گا، ورڈ پیڈ مستقبل میں ونڈوز کے نئے ورژن کا حصہ نہیں بنے گا۔

کمپنی کی جانب سے مشورہ دیا گیا کہ ورڈ پیڈ کے بجائے مائیکروسافٹ ورڈ کا استعمال زیادہ بہتر ہے، مائیکروسافٹ ورڈ اپنی وسیع فیچرز کی وجہ سے جانا جاتا ہے۔

آئندہ مائیکروسافٹ ونڈوز ورژن کب لانچ کیا جائے گا اور ورڈ پیڈ کو کب سے نکالا جارہا ہے اس بابت کمپنی نے ابھی کچھ نہیں بتایا۔ مائیکروسافٹ ورڈ کو ونڈوز 95 سے شامل کیا گیا تھا جب کہ 2018 میں مائیکروسافٹ نے پہلی بار ونڈوز نوٹ پیڈ ایپ کو اپ ڈیٹ کیا تھا۔

امکان ظاہر کیا جارہا ہے کہ مائیکروسافٹ کی جانب سے 2024 میں ونڈوز 12 لانچ کیا جائے گا، جس میں مصنوعی ذہانت کے تحت مختلف فیچرز شامل کیے جائیں گے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں