اسلام آباد: صدر آصف زرداری نے کہا ہے کہ مشرقِ وسطیٰ کی صورتحال بےقابو ہوسکتی ہے، لاکھوں معصوم جانوں کو خطرہ ہے۔
صدرمملکت آصف علی زرداری نے مشرقِ وسطیٰ میں کشیدگی پر تشویش کا اظہار کرتے ہوئے کہا کہ تمام فریقین زیادہ سے زیادہ تحمل کا مظاہرہ کریں، صدر نے زور دیا کہ فریقین پُرامن راستہ، مکالمہ اور سفارتکاری اپنائیں۔
انھوں نے کہا کہ مشرقِ وسطیٰ میں دیرپا امن، استحکام کیلئے مکالمہ ضروری ہے، عالمی برادری بحران کے خاتمے کےلیے اپنا کردارادا کرے۔
صدر پاکستان آصف علی زرداری نے جنگ رکوانے میں عالمی برادری کے کردار پر زور دیتے ہوئے کہا کہ خطے کے استحکام اور عوام کی بھلائی کیلئے عالمی کوششیں ناگزیر ہیں۔
بلااشتعال حملوں کے جواب میں دفاع ایران کا حق ہے، اسحاق ڈار
دریں اثنا امریکی حملوں کے بعد وزیراعظم شہباز شریف اور ایران کے صدر مسعود پزیشکیان کے درمیان ٹیلیفونک رابطہ ہوا۔
وزیراعظم شہباز شریف نے ایران پر امریکی حملوں کی شدید مذمت کرتے ہوئے پاکستان کی جانب سے ایرانی عوام اور حکومت کے ساتھ غیر متزلزل یکجہتی کا اعادہ کیا۔
شہباز شریف نے امریکی حملے کو آئی اے ای اے کے قانون سمیت دیگر بین الاقوامی قوانین کی سنگین خلاف ورزی قرار دیتے ہوئے کہا کہ امریکی حملوں میں اُن تنصیبات کو نشانہ بنایا گیا، جو آئی اے ای اے کے تحفظات کے تحت تھیں۔
پاکستان کی ایران پر امریکی حملے کی مذمت، عالمی قوانین کی خلاف ورزی قرار دے دیا
