امریکی وزیرِ خارجہ مائیک پومپیو آج ایک روزہ دورے پر اسلام آباد پہنچیں گے -
The news is by your side.

Advertisement

امریکی وزیرِ خارجہ مائیک پومپیو آج ایک روزہ دورے پر اسلام آباد پہنچیں گے

اسلام آباد: امریکی وزیرِ خارجہ مائیک پومپیو آج ایک روزہ دورے پر اسلام آباد پہنچ رہے ہیں، اپنے پاکستانی ہم منصب سمیت کئی اہم افراد سے ملاقاتیں کریں گے۔

تفصیلات کے مطابق امریکی وزیرِ خارجہ مائیک پومپیو آج پاکستان کے دورے پر آ رہے ہیں، ایک روزہ دورے کے دوران وہ کئی اہم ملاقاتیں کریں گے۔

سفارتی ذرائع کا کہنا ہے کہ مائیک پومپیو پاکستانی ہم منصب شاہ محمود قریشی سے خصوصی ملاقات کریں گے، دفترِ خارجہ میں پاک امریکا وفود کی سطح پر مذاکرات بھی ہوں گے۔

سفارتی ذرائع کے مطابق امریکی وزیرِ خارجہ کے ہم راہ امریکی فوج کے چیف آف اسٹاف بھی ہوں گے، مائیک پومپیو پاکستان کے دورے کے بعد آج ہی نئی دہلی روانہ ہوجائیں گے۔

سفارتی ذرائع کا کہنا ہے کہ امریکی وزیرِ خارجہ کی وزیرِ اعظم عمران خان سے بھی ملاقات متوقع ہے۔


یہ بھی پڑھیں:  پاکستان نے مائیک پومپیو اور وزیراعظم کی گفتگو سے متعلق امریکی بیان مسترد کردیا


خیال رہے کہ گزشتہ ماہ مائیک پومپیو نے وزیرِ اعظم عمران خان کو فون کرتے ہوئے وزیرِ اعظم بننے پر مبارک باد دی تھی اور نئی حکومت سے مل کر کام کرنے کی خواہش کا اظہار کیا تھا تاہم بعد میں فون کی گفتگو متنازعہ رخ اختیار کر گئی تھی۔

امریکی وزیرِ خارجہ نے کہا تھا کہ فون پر پاکستانی وزیرِ اعظم کے ساتھ پاکستان میں سرگرم دہشت گردوں کے خاتمے کے حوالے سے بھی گفتگو ہوئی، تاہم وزارتِ خارجہ نے اس دعوے کی تردید کی کہ ایسی کوئی بات نہیں ہوئی۔

Comments

comments

یہ بھی پڑھیں