لوگوں کو دودھ کے نام پر زہر پلانے والا شخص پکڑا گیا، فیکٹری سے صابن، واشنگ پاؤڈر اور گھی کے کنستر برآمد کرلیے گئے۔
لاہور میں مصنوعی دودھ بنانے کی فیکٹری سے صابن، واشنگ پاؤڈراور گھی کے کنستر برآمد کرلیے گئے، فوڈ اتھارٹی نے سیکڑوں لیٹر مصنوعی دودھ بہا شہریوں کو زہریلا دودھ پینے سے بچالیا۔
فوڈ اتھارٹی نے صبح سویرے ملاوٹی دودھ کی فیکٹری پر چھاپہ مارا، بیدیاں روڈ ہیئر پنڈ میں دودھ کے نام پر صابن، سرف، کیمیکل سے تیار ہونے والے جعلی دودھ کی کھیپ پکڑلی۔
- Advertisement -
ڈی جی فوڈ اتھارٹی پنجاب عاصم جاوید نے کہا کہ ملزم سلیم میئو پر پہلے بھی تین مرتبہ ملاوٹی دودھ بیچنے کے ایف آئی آر درج کرائی جاچکی ہے اور ملزم ضمانت پر رہا ہے۔
ملزم نے دودھ میں ملاوٹ کرنے کا اعتراف کرلیا ہے، فوڈ اتھارٹی کی ٹیم نے سینکڑوں لیٹر جعلی دودھ شہریوں تک پہنچنے سے پہلےہی نالے میں بہا دیا۔
