The news is by your side.

Advertisement

سندھ حکومت نے دودھ کی قیمت میں کوئی اضافہ نہیں کیا، اسماعیل راہو

صوبائی وزیر رسد و قیمت کا کمشنر کراچی اور پرائز مجسٹریٹس کو مہنگا دودھ فروخت کرنے والوں کے خلاف کارروائی کا حکم

کراچی : صوبائی وزیر رسد و قیمت محمد اسماعیل راہو نے کہا ہے کہ سندھ حکومت نے دودھ کی قیمت میں کوئی اضافہ نہیں کیا، متعلقہ افسران مہنگا دودھ فروخت کرنے والوں کے خلاف کارروائی کریں۔

تفصیلات کے مطابق سندھ حکومت نے دودھ کی قیمتوں میں دس روپے اضافہ مسترد کردیا ہے۔ اس حوالے سے صوبائی وزیر رسد و قیمت محمد اسماعیل راہو نے یوتھ پارلیمنٹ کی تقریب کے بعد میڈیا سے بات چیت کرتے ہوئے کہا کہ سندھ حکومت نے دودھ کی قیمت میں کوئی اضافہ نہیں کیا، قیمت میں اضافہ مسترد کرتے ہیں۔

انہوں نے بتایا کہ صورتحال کا نوٹس لیتے ہوئے کمشنر کراچی اور پرائز مجسٹریٹس کو مہنگا دودھ فروخت کرنے والوں کے خلاف کارروائی کا حکم دے دیا گیا ہے، اس سلسلے میں ڈیری فارمز کے ساتھ بات کی جائے گی، ان کے جو بھی مسائل ہیں بیٹھ کے حل کریں گے۔

وزیر رسد و قیمت نے مزید کہا کہ ڈیری فارمزایسوسی ایشن نے سندھ حکومت کی منظوری کے بغیر دودھ کی قیمت میں اضافہ کیسے کیا۔

مزید پڑھیں: ہول سیلرز اور ریٹیلرز نے بھی دودھ کی قیمتوں میں اضافہ مسترد کردیا

اسماعیل راہو نے ہدایت کی کہ کمشنر کراچی ڈیری فارمز کے عہدیداران کو طلب کریں اور دودھ کی قیمت میں اضافہ واپس کروائیں۔ اسماعیل راہو نے کہا کہ وفاقی حکومت کے بجٹ کے بعد مہنگائی سے عوام کی چیخیں نکل گئی ہیں۔ کمر توڑ مہنگائی میں عوام پر مزید بوجھ نہیں ڈالا جائے گا،۔

Comments

یہ بھی پڑھیں