کراچی میں غریب طلبا کو اسکالر شپ کے لیے 19 کروڑ 25 لاکھ 70 ہزار روپے جاری کردیے گئے۔
اے آر وائی نیوز کے مطابق سندھ کے عشر و زکوٰۃ ڈپارٹمنٹ نے صوبے کے 20 تعلیمی اداروں کو رقم جاری کی جن میں سندھ یونیورسٹی، کراچی یونیورسٹی، شاہ عبداللطیف یونیورسٹی ودیگر ادارے شامل ہیں۔
سندھ یونیورسٹی کو تین کروڑ 48 لاکھ 6 ہزار روپے جاری کیے گئے ہیں، کراچی یونیورسٹی کو مستحق طلبا کے لیے 5 کروڑ 53 لاکھ 4 ہزار روپے جاری ہے۔
شاہ عبداللطیف یونیورسٹی کو 76 لاکھ 18 ہزار روپے جاری کیے گئے ہیں۔
ڈاؤ یونیورسٹی آف ہیلتھ سائسنز کو 85 لاکھ 34 ہزار روپے جاری کیے گئے ہیں، اسکالر شپ کمیٹیاں مستحق طلبا کو اسکالر شپ فراہم کریں گی۔
