اسلام آباد : سی ڈی اے افسران کی ملی بھگت سے قومی خزانے کو کروڑوں کے نقصان کا انکشاف سامنے آیا، جس پر ایف آئی اے نے تحقیقات کا دائرہ کار وسیع کر دیا۔

تفصیلات کے مطابق ایف آئی اے اینٹی منی لانڈرنگ کی تحقیقات میں اہم پیش رفت سامنے آگئی، جس کے بعد ایف آئی اے نے تحقیقات کا دائرہ کار وسیع کر دیا۔

ایف آئی اے نے سی ڈی اے سے ملزمان ملک نعمان نون اور سلمانی قریشی کی تفصیلات طلب کر لیں۔

ایف آئی اے اینٹی منی لانڈرنگ سیل نے سی ڈی اے کو مراسلہ جاری کر دیا ہے ، جس میں سی ڈی اے کو 7 دن میں ریکارڈ فراہم کرنے کی ہدایت کر دی ہے۔

ایف آئی اے نے سی ڈی اے سے 4 پلاٹس پر تعمیرات کی تفصیلات طلب کی ہیں۔

ایف آئی اے کے مطابق ان پلاٹس پر تعمیرات کے لے آوٹ پلان فراہم کیا جائے اور ان پلاٹس پر تعمیرات کی مد میں پاکستانی روپوں میں کل اخراجات بتائیں۔

سی ڈی اے آفیشلز کی ملی بھگت سے قومی خزانے کروڑوں کا نقصان ہوا تاحال سی ڈی اے نے ایف آئی اے کو ریکارڈ فراہم نہیں کی