پاکستان شوبز انڈسٹری کی اداکارہ منال خان نے انسٹا گرام اسٹوری چوری کرنے کا الزام عائد کرنے والوں کو منہ توڑ جواب دے دیا۔
منال خان نے انسٹا گرام اسٹوری پر دو ایک جیسی تصاویر شیئر کیں اور لکھا کہ ”یہ میرا انسٹا گرام اکاؤنٹ ہے، مجھے جو اچھا لگے گا وہ پوسٹ کروں گی”۔
اداکارہ نے مزید لکھا کہ ”یہ میری زندگی ہے اور میں ویسے جیئوں گی جیسے مجھے پسند ہے، میرے پاس Pinterest اور دیگر ایپس ہیں، میں اس طرح کی تصاویر پسند کرتی ہوں اور ان کی پوسٹنگ جاری رکھوں گی“۔
انہوں نے آخر میں یہ بھی لکھا کہ ”اگر آپ کچھ کر سکتے ہو تو کرلو، مجھے اس کا انتظار رہے گا“۔
کچھ روز قبل منال خان نے اپنی انسٹا اسٹوری پر ناشتے کی تصویر شیئر کی تھی جس کے بعد سوشل میڈیا پر ہنگامہ برپا ہوگیا تھا۔ صارفین نے اداکارہ پر اسٹوری چوری کرنے کا الزام عائد کیا تھا۔
دراصل اداکارہ نے اسٹوری میں جو تصویر لگائی تھی وہ اس سے قبل امریکی سُپر ماڈل کیلی جنیر اپنے انسٹا گرام پر شیئر کر چکی تھیں۔
کیلی جنیر نے 14 گھنٹے جب کہ منال خان نے 17 گھٹنے قبل اسٹوری اپ ڈیٹ کی جس سے معلوم ہوتا ہے کہ یہ تصویر درحقیقت کیلی جنیر کی ہے۔
منال خان نے پہلے تو اس معاملے پر خاموشی اختیار کی تاہم اب انہوں نے سخت ردعمل کا اظہار کیا ہے۔
