کراچی: انٹرنیٹ پر وائرل ہونے والی ایک تصویر کیوجہ سے پاکستانی اداکارہ منال خان کی منگنی کی خبریں گردش کرنے لگیں۔ اداکارہ نے ابھی تک منگنی باضابطہ اعلان نہیں کیا۔
واضح رہے کہ گزشتہ برس نومبر سے یہ خبریں زیرگردش تھیں کہ اداکارہ منال خان اور احسن محسن اکرام ایک دوسرے سے قریب ہوتے جارہے ہیں وہ وہ کسی بھی وقت اپنے رشتے کا باقاعدہ اعلان کرسکتے ہیں۔
ایک روز قبل احسن محسن نے سماجی رابطے کی ویب سائٹ انسٹاگرام پر دو تصاویر شیئر کر کے خبر دی کہ اب اُن کا منال خان سے رشتہ آفیشل ہوگیا ہے۔
View this post on Instagram
محسن نے انسٹاگرام پر دو تصاویر شیئر کیں جن میں سے ایک میں وہ منال خان کے ساتھ گھر کی بالکونی میں کھڑے ہوئے تھے جبکہ دوسری تصویر میں اداکارہ انگوٹھی پہن کر آدھے چہرے کو ہاتھ سے چھپائی ہوئیں تھیں جس میں اُن کی خوشی نظر آرہی تھی۔
احسن محسن نے ان تصاویر کو شیئر کرتے ہوئے منال خان کو مخاطب کر کے ویلنٹائنز ڈے کی مبارک بار پیش کی۔
دوسری جانب منال خان نے بھی انسٹاگرام پر محسن کے ہمراہ تصاویر شیئر کیں جس کا پس منظر رومانوی تھا۔ اداکارہ نے لکھا کہ ’محبت اب ہوا میں ہے، جو بہت سادہ اور اچھی ہے‘۔
View this post on Instagram
منال کی اس پوسٹ پر احسن نے کمنٹس میں محبت کا اعتراف کیا۔
دوسری جانب ساتھی اداکاروں نے دونوں کو مبارک باد پیش کرتے ہوئے مستقبل کے لیے نیک خواہش کا اظہار کیا۔
واضح رہے کہ حال ہی میں احسن کی دادی کی سالگرہ میں منال خان نے شرکت کی تھی جس کے بعد یہ قیاس آرائیاں جاری تھیں کہ اب دونوں جلد ہی منگنی کرلیں گے۔
