کراچی: پاکستان ڈرامہ انڈسٹری کی معروف اداکارہ منال خان کی بھانجی کے ساتھ تصویر سوشل میڈیا پر وائرل ہوگئی۔
تفصیلات کے مطابق شوبز انڈسٹری سے جڑی شخصیات مداحوں سے جڑے رہنے کے لیے مختلف تصاویر اوراپنی روزمرہ کی سرگرمیوں کو شیئر کرتی ہیں جس کا مقصد مداحوں کو اپنی سرگرمیوں کے حوالے سے آگاہ کرنا ہوتا ہے۔
اداکارہ منال خان نے سماجی رابطے کی ویب سائٹ انسٹاگرام پر اپنی بھانجی امل منیب کے ساتھ تصویر شیئر کی جسے مداحوں کی جانب سے خوب سراہا جارہا ہے۔
تصویر میں دیکھا جاسکتا ہے کہ منال خان اپنی بھانجی امنل منیب کو پیار کررہی ہیں، اداکارہ نے کیپشن میں لکھا کہ ’خوشگوار لمحہ، ہمیشہ آپ کی شکر گزار۔‘
گلوکارہ آئما بیگ، ماڈل صدف کنول، مشک کلیم، اداکارہ شگفتہ اعجاز اور کنزہ ہاشمی سمیت متعدد شوبز شخصیات نے تصویر کو پسند کرتے ہوئے اپنی رائے کا اظہار کیا۔
واضح رہے کہ امل منیب کی پیدائش گزشتہ سال اگست میں ہوئی تھی اور وہ اداکارہ ایمن خان اور منیب بٹ کی بیٹی ہیں۔
یاد رہے کہ اداکارہ منال خان کا نیا ڈرامہ ’جلن‘ اے آر وائی ڈیجیٹل پر 17 جون سے نشر کیا جائے گا،
