زیمبیا کے علاقے ممبووا میں معدنی کان بیٹھنے کے نتیجے میں ابتدائی معلومات کے مطابق 10 کان کن لقمہ اجل بن گئے۔
بین الاقوامی خبر رساں ادارے کی رپورٹ کے مطابق پولیس کا کہنا ہے کہ زیمبیا کے علاقے ممبووا میں ایک معدنی کان بیٹھ گئی۔ حادثے میں کم از کم 10 کان کن ملبے تلے دب کر جان کی بازی ہار چکے ہیں جبکہ متعدد لاپتہ ہیں۔
ریسکیو حکام نے ملبے تلے دبے کان کنوں کی تلاش کے لئے امدادی کاروائیوں کا آغاز کردیا ہے، جبکہ لاشوں اور زخمیوں کو اسپتال منتقل کردیا گیا ہے۔
گزشتہ ماہ ایران کے صوبے خراسان میں کوئلے کی کان میں دھماکے کے نتیجے میں جاں بحق افراد کی تعداد 51 ہوگئی۔
جنوبی صوبے خراسان میں افسوسناک واقعہ پیش آیا تھا، کوئلے کی کان میں دھماکے کے وقت درجنوں افراد موجود تھے جن میں سے ابتدائی طور پر 30 افراد کے جاں بحق ہونے کی تصدیق ہوئی تھی تاہم وقت گزرنے کے ساتھ مرنے والوں کی تعداد میں اضافہ ہوگیا۔
کوئٹہ: کوئلے کی کان میں دم گھٹنے سے 11 مزدور جاں بحق
غیر ملکی میڈیا نے بتایا ہے کہ کوئلے کی کان دھماکے میں جاں بحق افراد کی تعداد 51 ہوگئی ہے جب کہ اب بھی کئی افراد کان میں پھنسے ہوئے ہیں۔