اسلام آباد: جنوبی وسطی ایشیائی امور بیورو کے ایرک میئر کی قیادت میں امریکی وفد آئندہ ہفتے پاکستان کے دورے پر آئے گا۔
امریکی محکمہ خارجہ کے ترجمان نے اس کی تصدیق کرتے ہوئے بتایا کہ سینئر عہدے دار ایرک مائیر 8 سے 10 اپریل تک اسلام آباد کا دورہ کریں گے جہاں وہ پاکستانی حکام سے اہم ملاقاتیں کریں گے۔
ترجمان کے مطابق ایرک مائیر پاکستان منرلز انویسٹمنٹ فورم میں شرکت کریں گے، ان کے دورے کا مقصد قیمتی معدنیات کے شعبے میں امریکی مفادات کو فروغ دینا ہے۔
علاوہ ازیں، وہ پاکستانی حکام سے امریکی کمپنیوں کے مواقع پر بات کریں گے، وفد میں مختلف اداروں کے نمائندے شامل ہوں گے جبکہ پاکستانی حکام سے دہشتگردی کے خلاف تعاون پر بات چیت ہوگی۔
ایرک مائیر کا دورہ پاک امریکا تعاون کا تسلسل ہے۔
