The news is by your side.

Advertisement

آج نواز شریف اور آصف زرداری دونوں بے نقاب ہو چکے: فواد چوہدری

اسلام آباد: وفاقی وزیرِ اطلاعات فواد چوہدری کا کہنا ہے کہ آج پاکستان میں بہت بڑے مافیا بے نقاب ہو چکے ہیں، یہ مافیا نواز شریف اور آصف زرداری ہیں۔

فواد چوہدری نے اسلام آباد میں نیوز کانفرنس کرتے ہوئے کہا کہ احتساب عدالت نے نواز شریف کو طویل سماعت کے بعد سزا سنائی، پاناما لیکس کا معاملہ اپریل 2016 میں سامنے آیا تھا، عمران خان کی قیادت میں پاناما کیس کے لیے طویل سیاسی جدوجہد لڑی۔

نواز شریف کے دور میں اکنامک ریفارمز ایکٹ آیا جس کا نا جائز استعمال ہوا، ریفارمز کے ذریعے کوئی ادارہ پوچھ نہیں سکتا تھا کہ پیسا کہاں سے آیا۔

فواد چوہدری

وزیرِ اطلاعات کا کہنا تھا کہ ہل میٹل کیس میں آج نواز شریف کو 7 سال اور 25 ملین ڈالر جرمانے کی سزا ہوئی ہے، فلیگ شپ ریفرنس میں انھیں ٹیکنیکل بنیاد پر بری کیا گیا، کیوں کہ رقم حسن نواز کو منتقل ہو گئی تھی، حسن نواز کے گرفتار ہونے کے بعد ہی فلیگ شپ ریفرنس آگے بڑھے گا۔

فواد چوہدری نے کہا ’2010 تک ہل میٹل مل ڈھائی لاکھ تک خسارے میں تھی، 2010 میں پنجاب میں ن لیگ کی حکومت آئی تو مل نے سونے کے انڈے دینا شروع کر دیے، مل کے ذریعے نواز شریف کو 9 لاکھ ڈالر براہ راست نواز شریف کو بھجوائے گئے، ان کے اکاؤنٹس سے 83 کروڑ مریم نواز کے اکاؤنٹ میں گیا۔‘

انھوں نے کہا کہ نواز شریف کو سپریم کورٹ، پارلیمنٹ اور پھر ٹرائل کورٹ میں صفائی کا موقع ملا، لیکن وہ کہیں بھی ذرائع آمدن پر منی ٹریل نہیں دے سکے، کسی بھی فورم پر اپنے پیسوں کی وضاحت نہ کر سکے۔


یہ بھی پڑھیں:  العزیزیہ ریفرنس: نوازشریف کو سات سال قید کی سزا، کمرہ عدالت سے گرفتار


وزیرِ اطلاعات نے کہا کہ آج سپریم کورٹ میں آصف زرداری کے کیس کی بھی تفصیلات سامنے آئی ہیں، ’ٹھگز آف پاکستان ٹو‘ اومنی گروپ اور دیگر کا کیس ہے۔ منی لانڈرنگ کے لیے جعلی کمپنیاں بنائی گئیں جو پیسوں کی رولنگ کر رہی تھیں۔

فواد چوہدری نے کہا ’نواز شریف کے دور میں اکنامک ریفارمز ایکٹ آیا جس کا نا جائز استعمال ہوا، ریفارمز کے ذریعے کوئی ادارہ پوچھ نہیں سکتا تھا کہ پیسا کہاں سے آیا، 2015 تک کئی ملین ڈالرز نواز شریف کے اکاؤنٹس میں بھجوائے جاتے رہے، نیب سیکشن 9 کے تحت پیسا کہاں سے آیا نہیں بتایا گیا تو یہ کرپشن تصور ہوگی۔ اگر پیسا کرپشن کا نہیں تو اس کی رسیدیں موجود ہوتیں۔‘

انھوں نے کہا کہ فلیگ شپ انویسٹمنٹ میں بھی پاکستان کے لوگوں کا پیسا لگا ہے، فلیگ شپ ریفرنس میں نواز شریف کی بریت کے خلاف نیب خود فیصلہ کرے گا۔

Comments

comments

یہ بھی پڑھیں