اسلام آباد: وزیر برائے انسانی حقوق ڈاکٹر شیریں مزاری نے سوشل میڈیا پر وائرل ہونے والی ویڈیو کا نوٹس لے لیا جس میں ایک خاتون کم عمر ملازمہ پر بہیمانہ تشدد کر رہی ہیں۔
یہ ویڈیو گزشتہ روز سے سوشل میڈیا پر وائرل ہونی شروع ہوئی جس میں ایک خاتون ایک کم عمر ملازمہ کو نہایت سنگدلی سے تشدد کا نشانہ بنا رہی ہیں۔
یا اللہ غریبوں کی مدد فرما
ان جیسے درندوں سے غریبوں کو محفوظ فرما
چائے میں پتی زیادہ کیوں ڈالی؟؟؟😭😢😢 pic.twitter.com/DD5g2DwL6h
— ثناء @ (@sana_____0) September 6, 2018
ویڈیو میں خاتون چائے کی پتی کے زیادہ استعمال پر برہم نظر آرہی ہیں اور اس بات پر کم عمر ملازمہ کے بال کھینچ رہی ہیں اور چہرے کو تھپڑوں کا نشانہ بنا رہی ہیں۔
ملازمہ اس ظلم پر نہایت ہراساں نظر آرہی ہے جبکہ رو بھی رہی ہے۔
وزیر برائے انسانی حقوق ڈاکٹر شیریں مزاری نے ویڈیو کا نوٹس لیتے ہوئے سماجی رابطے کی ویب سایٹ ٹویٹر پر کہا کہ کوئی ان خاتون کا پتہ جانتا ہے تو مدد کرے تاکہ ان کے خلاف کارروائی کی جاسکے۔
Can anyone help identify who this woman is and where she is based? Need this info to act. https://t.co/7sqbZuawvD
— Shireen Mazari (@ShireenMazari1) September 7, 2018
ان کے اس ٹویٹ پر لوگوں نے حوصلہ افزائی کرتے ہوئے کہا کہ ملازمین کو انسان نہ سمجھنے والے ایسے افراد کو سخت سزا دی جائے تاکہ ان میں انسانیت کا جذبہ پیدا ہو۔