اسلام آباد : حکومت نے گھر بیٹھے بچوں کیلئے ریڈیو اسکولز کے قیام کا فیصلہ کرلیا اورمفاہمتی یادداشت پر دستخط ہوگئے، وفاقی وزیرتعلیم شفقت محمود کا کہنا ہے کہ جلد ہی ای تعلیم پورٹل کا افتتاح کرنے جا رہے ہیں ، ای تعلیم سے ٹیلی اور ریڈیو اسکولز پروگرامز ایک کلک سے دیکھے جاسکیں گے۔
تفصیلات کے مطابق وزارت تعلیم نے فاصلاتی نظام تعلیم کی نمو کے لئے ایک اور سنگ میل عبور کرلیا ، ریڈیو اسکولز کے قیام کیلئے ریڈیو پاکستان اور وزارت اطلاعات میں مفاہمتی یادداشت پر دستخط ہوگئے۔
Ministry of Education and Radio Pakistan signed an MOU to launch Radio school that will broadcast education content for 4 hours everyday. This will be another platform for distance learning besides Teleschool that was launched in March. pic.twitter.com/Y2jbceG6ME
— Shafqat Mahmood (@Shafqat_Mahmood) November 20, 2020
وزیرتعلیم شفقت محمود کا کہنا ہے کہ کورونا کی وجہ سے پچھلےسال 15دن میں ٹیلی اسکول لانچ کیاتھا، ٹیلی اسکول پاکستان ٹیلی وژن کے تعاون سے لانچ کیا گیا تھا، ٹیلی اسکول سے 80 لاکھ بچے روز استفادہ حاصل کر رہے ہیں۔
شفقت محمود نے کہا کہ رسائی ٹی وی تک نہیں وہ ریڈیواسکولز سے استفادہ کریں گے ، جلد ہی ای تعلیم پورٹل کا افتتاح کرنے جا رہے ہیں ، ای تعلیم سے ٹیلی اور ریڈیو اسکولز پروگرامز ایک کلک سے دیکھے جاسکیں گے۔
یاد رہے وفاقی وزیرتعلیم شفقت محمود نے تقریب سے خطاب کرتے ہوئے کہا تھا کہ پاکستان میں دو کروڑ بچے اسکولوں میں تعلیم حاصل کرنے سے محروم ہیں ،اسکول نہ جانے والے بچوں کے لیے اسپیشل پروگرام لارہے ہیں۔
شفقت محمود کا کہنا تھا کورونامیں ٹیلی اسکول ایجوکیشن کاتجربہ کامیاب رہا، کوروناچیلنج میں آن لائن نظام تعلیم کی اہمیت بڑھ گئی ہے، کورونا کےباعث پنجاب اورکےپی میں نصاب کم کردیاگیاہے جبکہ وفاقی حکومت یونیورسٹیزکو 100ارب روپے کے فنڈز فراہم کررہی ہے۔
