اسلام آباد: وزارت تعلیم نے وفاقی جامعات کے وائس چانسلرز کے نام فائنل کر لیے ہیں۔
تفصیلات کے مطابق حکومت پاکستان کے ماتحت 3 وفاقی جامعات علامہ اقبال اوپن یونیورسٹی، قائداعظم اور اسلامک انٹرنیشنل کے وائس چانسلر تعینات کیے جانے ہیں۔
حکام کے مطابق صدر مملکت ڈاکتر عارف علوی کو وائس چانسلرز کی تعیناتی کے حوالے سے لسٹ اور سمری پیر کے روز ارسال کی گئی۔
قائداعظم یونیورسٹی کے لیے پروفیسر ڈاکٹر نیاز، ڈاکٹر فضل خالق اور ڈاکٹر راحیل قمر کے ناموں کی سمری ارسال کی گئی ہے، علامہ اقبال یونیورسٹی کے لیے ڈاکٹر ضیا الدین، ڈاکٹر ناصر محمود اور ڈاکٹر مدثر کے نام فائنل کیے گئے ہیں۔
جبکہ اسلامک یونیورسٹی کے ریکٹر کی تعیناتی کے لیے ڈاکٹر طاہر خلیل ڈاکٹر آمنہ معظم اور ڈاکٹر خلیل کے نام کو فائنل کیا گیا ہے۔
یاد رہے کہ ان تینوں یونیورسیٹیز کے وائس چانسلرز اور ریکٹر کے عہدوں پر تقرری کے لیے 25 ستمبر کو اشتہار دیا گیا تھا۔
اشتہار کے مطابق دس روز کے اندر امیدواروں کو درخواستیں جمع کرانا تھیں ان تین جامعات کے وائس چانسلرز کے کے عہدوں کیلئے ڈھائی سو کے لگ بھگ درخواستیں موصول ہوئی ہیں اور تقریباً تلاش کمیٹی 108؍ امیدواروں کو انٹرویوز کیلئے بلایا تھا انٹرویوز کا مرحلہ تقریباً 20 دن تک جاری رہا اور 28 دسمبر کو مکمل ہوا تھا۔
