اسلام آباد : وزارت توانائی نے بجلی بلوں میں کمی کیلئے پی ایس ڈی پی میں 400ارب کٹوتی کی تجویزدے دی۔
تفصیلات کے مطابق وزارت توانائی نے کیپیسٹی چارجز کے خاتمے کیلئے وزارت خزانہ کو تجاویز دے دیں۔
ذرائع نے بتایا کہ رواں مالی سال کے لیے پی ایس ڈی پی میں مزید 400ارب کٹوتی کی تجویز دی گئی ہے ، پی ایس ڈی پی میں دوسری بار کٹوتی بجلی بلوں میں ریلیف دینے کیلئے ہوگی۔
تجویز میں کہا گیا ہے کہ پراجیکٹس کیلئے ترقیاتی بجٹ کا سائز 700ارب روپے تک محدود ہوجائے گا، وفاق پی ایس ڈی پی سے کٹوتی کے علاوہ مزید 1100ارب کا بندوبست کرے گا، وفاق اور صوبےملکررقم کا بندوبست کریں گے، وفاق 1500ارب دے گا۔
تجویز میں کہنا ہے کہ 3 ہزارارب سےزائد کا فنڈ کیپیسٹی پیمنٹ اورگردشی قرضے میں ایڈجسٹ ہو گا، پی ایس ڈی پی میں پہلی کٹوتی 350 ارب ،دوسری کٹوتی 50 ارب روپے کی گئی۔
وزارت توانائی نے کہا ہے کہ صوبے 1500ارب سالانہ ترقیاتی پلان سےکم کرکےوفاق کودیں گے جبکہ 3 سے5سال کیلئےکیپیسٹی پیمنٹ اورگردشی قرضےکی مدمیں ایڈجسٹ کیا جائے گا۔
ذرائع کا کہنا تھا کہ وزیراعظم شہبازشریف نےوزارت خزانہ اور وزارت توانائی کو ٹاسک سونپا ہے تاہم بجلی بلوں میں ریلیف کیلئے تجویز پر آئی ایم ایف سےابھی مشاورت نہیں ہوئی۔
ذرائع کے مطابق وزیراعظم کی حتمی منظوری کےبعدآئی ایم ایف کےساتھ مشاورت کی جائے گی ، ایگزیکٹو بورڈاجلاس سے قبل تجویز کو آئی ایم ایف سے ڈسکس نہیں کیا جائے۔
