The news is by your side.

مقبوضہ کشمیر میں انتخابات سے قبل دھاندلی کی بھارتی کوششوں پر پاکستان کا ردعمل

پاکستان نے مقبوضہ کشمیر میں انتخابات سے قبل دھاندلی کی بھارتی کوششوں کو سختی سے مسترد کردیا ہے۔

ترجمان دفتر خارجہ نے مقبوضہ کشمیر میں انتخابات سے قبل دھاندلی کی بھارتی کوششوں کو مسترد کرتے ہوئے کہا ہے کہ عارضی رہائشیوں کو ووٹر رجسٹر کرنے کا بھارتی اعلان نتائج کو متاثر کرنے کا ثبوت ہے۔

اے آروائی نیوز براہِ راست دیکھیں live.arynews.tv پر

دفتر خارجہ کا کہنا ہے کہ بھارتی اقدامات کا مقصد مقبوضہ کشمیر میں مسلم اکثریت کو اقلیت میں تبدیل کرنا ہے لیکن بھارت کشمیری عوام کی خواہشات کو توڑنے یا عالمی برادری کو گمراہ کرنے میں کامیاب نہیں ہو سکے گا۔

ترجمان دفتر خارجہ نے کہا کہ بھارت کومقبوضہ جموں کشمیرمیں حراست میں لیے گئے سیاسی قیدیوں کو بھی رہا کرنا چاہیے۔

Comments

یہ بھی پڑھیں