The news is by your side.

Advertisement

فائزر کورونا ویکسین کے استعمال کیلئے گائیڈ لائنز جاری

اسلام آباد : وزارت قومی صحت نے فائزر کورونا ویکسین کے استعمال کیلئے گائیڈلائنزجاری کردی ، جس میں کہا ہے کہ فائزر ویکسین کورونا کے ہائی رسک بیمار افراد ، حاجیوں، ورک، اسٹڈی ویزہ رکھنے والے افراد کو لگائی جائے گی۔

تفصیلات کے مطابق فائزرکوروناویکسین کے استعمال کیلئےعبوری گائیڈلائنزجاری کردی گئی ، ویکسین کی گائیڈ لائنز وزارت قومی صحت نے جاری کیں ،گائیڈ لائنز فائزر ویکسین اسٹوریج، حوالگی اور استعمال میں معاون ہوں گی۔

گائیڈ لائنز میں کہا گیا ہے کہ فائزر ویکسین کی تھرمل شپنگ کنٹینرز سے ترسیل کی جائے، تھرمل شپنگ کنٹینرز میں مطلوبہ ٹمپریچر برقرار رکھا جائے اور ویکسین کو الٹرا کولڈ چین فریزرز میں محفوظ رکھا جائے۔

وزارت قومی صحت کا کہنا ہے کہ فائزر ویکسین کی اسٹوریج مقررہ درجہ حرارت پر یقینی بنائی جائے اور ویکسین کےاسٹوریج یونٹ کایومیہ ٹمپریچر ریکارڈ کیا جائے جبکہ فائزر ویکسین کے ساتھ خصوصی سپلائی کٹ فراہم کی جائے۔

گائیڈ لائنز کے مطابق فائزر ویکسین کی وائل استعمال سے قبل نہ کھولی جائے، پاکستان میں فائزر کورونا ویکسین کی محدود مقدار دستیاب ہے، یہ ویکسین 18 سال، زائد عمر افراد کو لگائی جا سکتی ہے۔

وزارت قومی صحت نے کہا فائزر ویکسین کورونا کے ہائی رسک بیمار افراد ، حاجیوں، ورک، اسٹڈی ویزہ رکھنے والے افراد کو لگائی جائے گی جبک حاملہ، دودھ پلانے  والی ماؤں ، امراض جگر، دائمی ہیپٹائٹس کے مریض ، دائمی نیورولوجیکل، فالج کے مریض فائزر ویکسین لگوا سکتے ہیں۔

گائیڈ لائنز میں کہا گیا ہے کہ ٹرانسپلانٹ کے منتظر مریض 2ہفتے قبل اور ٹرانسپلانٹ کرانے والے مریض ایک ماہ بعد فائزر ویکسین لگوا سکتے ہیں ، کینسر ،  امراض پتہ و جوڑ کے مریض ، دائمی امراض تنفس ، دائمی امراض قلب، ہائپرٹینشن ، دائمی امراض گردہ کا شکار ڈاکٹر کے مشورے سے فائزر ویکسین لگوا سکتے ہیں۔

وزارت صحت کی گائیڈ لائنز کے مطابق فائزر ویکسین بخار میں مبتلا افراد ، شدید الرجی کا شکار افراد اور کورونا کے مریضوں کو نہ لگائی جائے تاہم کورونا سے صحتیاب مریضوں کو فائزر ویکسین لگائی جا سکتی ہے۔

گائیڈ لائنز میں کہا ہے کہ فائزر ویکسین کو منفی 60 تا 80 ٹمپریچر پر اسٹور رکھا جائے اور ویکسین کو روشنی سے بچایا جائے، فائزر ویکسین تیاری کے بعد 6 گھنٹے  روم ٹمپریچر میں رکھی جا سکتی ہے۔

وزارت قومی صحت کا کہنا تھا کہ فائزر کورونا ویکسین کی ایک شیشی6ڈوز پر مشتمل ہے، اس ویکسین کی دوسری ڈوز 21 دن بعد لگائی جائے گی۔

Comments

یہ بھی پڑھیں