The news is by your side.

Advertisement

وزارت مذہبی امور کا محرم میں صحت عامہ کے تحفظ کیلئے بھرپور اقدامات کا فیصلہ

کا اسلام آباد : وزارت مذ ہبی امور نے محرم میں صحت عامہ کے تحفظ کیلئے بھرپور اقدامات کا فیصلہ کرلیا اور کہا محرم الحرام کے دوران علما سے بھرپور تعاون کی اپیل کی ہے۔

تفصیلات کے مطابق وزارت مذہبی امور نے محرم میں صحت عامہ کے تحفظ کیلئے بھرپور اقدامات کا فیصلہ کرلیا ، وفاقی وزیر نور الحق قادری نے کہا ہے کہ محرم الحرام کے حوالے سے علمائےکرام سے رابطے میں ہوں، محرم الحرام کے دوران علما سے بھرپور تعاون کی اپیل کی ہے۔

وزیر مذہبی امور کا کہنا تھا کہ علمائے کرام سے ہیلتھ گائیڈ لائنز پر عملدرآمد کی درخواست کی ہے، محرم ضابطہ اخلاق کی تیاری کیلئے علماسے مشاورت جاری ہے ، محرم کے جلوسوں کی گائیڈ لائنز کیلئے علما سے تعاون طلب کیا ہے۔

دوسری جانب وفاقی وزیر اسد عمر نے کہا ہے کہ محرم کے ضابطہ اخلاق، گائیڈ لائنز انتہائی اہمیت کے حامل ہیں، محرم ضابطہ اخلاق اور گائیڈلائنز پر عمل نہ کرنے پر کورونا کیسز بڑھنے کا خدشہ ہے۔

اسد عمر کا کہنا تھا کہ مختلف شعبہ جات سےمنسلک افرادکی ٹیسٹنگ وٹریکنگ کی ضرورت ہے۔

خیال رہے گزشتہ چوبیس گھنٹوں کے دوران کورونا کے 539 مریضوں کے ٹیسٹس مثبت آئے جبکہ 15 افراد جاں بحق ہوئے ، جس کے بعد ملک بھر میں کورونا کے مریضوں کی تعداد 2 لاکھ 84 ہزار 660 اور اموات کی تعداد 6 ہزار 97 ہوگئی۔

Comments

یہ بھی پڑھیں