اسلام آباد : وزارت سائنس نے رائٹ سائزنگ کے تحت تین ادارے ختم کرنے کا فیصلہ کرلیا، کون کون سے ادارے شامل ہیں؟
تفصیلات کے مطابق خواجہ شیراز محمود کی زیر قومی اسمبلی کی قائمہ کمیٹی سائنس و ٹیکنالوجی کا اجلاس ہوا، وزارت سائنس نے رائٹ سائزنگ کے تحت تین ادارے ختم کرنے کا فیصلہ کرلیا۔
پاکستان کونسل فار سائنس وٹیکنالوجی اور پاکستان کونسل فار رینیوبل انرجی شامل پیں،. سیکرٹری سائنس وٹیکنالوجی نے بتایا کہ پاکستان کونسل فار ہاؤسنگ کوبھی ختم کرنےکا فیصلہ کیا ہے، ریکٹر کامسیٹس یونیورسٹی کی تعیناتی کیلئے اشتہار دوبارہ دیا گیا۔
وفاقی سیکرٹری کا کہنا تھا کہ نامزد ہونیوالے لاہوریونیورسٹی میں تقرری کی وجہ سے جوائن نہ کرسکے، کامسیٹس یونیورسٹی کےسربراہ کی پوسٹ گزشتہ دو سال سے خالی ہے۔
انھوں نے بتایا کہ پی ایس کیوسی اے کے سربراہ کی تقرری کیلئے سمری وزیراعظم کو ارسال کردی، پاکستان سائنس فاونڈیشن کےچیئرمین کی تقرری کیلئے سمری ارسال کردی گئی۔
نیشنل انسٹیٹیوٹ آف الیکٹرونکس کے ڈی جی تقرری کیلئے اشتہار جاری کردیا گیا، دو اداروں کےسربراہان کی تقرری کیلئے رولز میں تبدیلی کی جارہی ہے۔
کمیٹی نے سائنس و ٹیکنالوجی اداروں کے سربراہان کی عدم تقرری پر برہمی کا اظہار کرتے ہوئے کہا کہ کمیٹی اداروں کے سربراہان کی عدم تقرری پر احتجاج کرتی ہے۔
