مینسوٹا میں ہائی وے پر آلوؤں سے لدا ٹرک الٹ گیا، جس کے نتیجے میں کئی ٹن آلو سڑک پر بکھر گئے اور ٹریفک 4 گھنٹے تک معطل رہی۔
حادثات اور احتجاج کی وجہ سے سڑکیں بند ہونا کوئی انہونی بات نہیں مگر کیا آپ نے کبھی سوچا بھی ہے کہ کسی سبزی نے ٹریفک جام کرایا ہو، اگر آپ کا جواب ناں میں ہے تو جان لیں کہ ایسا واقعہ رونما ہوچکا ہے۔
غیر ملکی ویب سائٹ کے مطابق مغربی ملک مینسوٹا کی ایک مصروف شاہراہ پر سیکڑوں گاڑی ڈرائیوروں کو اپنی گاڑیوں کو اس وقت بریک لگانے پڑگئے جب انہیں آگے بڑھنے کا راستہ نہ ملا۔
مذکورہ شاہراہ پر ہزاروں کی تعداد میں منجمد آلو پڑے تھے جو ایک ٹرک سے گرے تھے اور وہاں منفی 13 درجہ حرارت کی وجہ سے گرنے کے بعد جم کر سڑک سے چپک گئے تھے۔
مینیسوٹا ڈپارٹمنٹ آف ٹرانسپورٹیشن کے مطابق حادثہ البرٹ ول میں سڑک کے مشرقی حصے پر پیش آیا، حکام کے مطابق آلو تازہ تھے اور اس وقت کے منفی 13 درجہ حرارت کے باعث گرنے کے بعد جم کر سڑک سے چپک گئے تھے جس کے باعث انہیں وہاں سے ہٹانے میں کئی گھنٹے لگے۔
They’re still cleaning up the potatoes frozen to I-94 in Albertville after a crash and a truck lost its load, but MNDOT tells us everything’s gonna be Ore-Ida soon. pic.twitter.com/nOC6NYheo4
— Jason DeRusha (@DeRushaJ) January 20, 2022
رپورٹر کے مطابق ٹریفک حکام کو سڑک سے چپکے ہوئے جمے آلو ہٹانے کے لیے مخصوص آلات منگوانے پڑے۔
بالآخر 4 گھنٹوں کی محنت کے بعد سڑک سے آلوؤں کو ہٹا کر ٹریفک کو بحال کیا گیا، حکام کے مطابق اس واقعے میں کوئی زخمی نہیں ہوا۔