کراچی : شہر قائد کےعلاقے قائد آباد میں چھ سالہ بچی آنکھ میں گولی لگنے سے جاں بحق ہوگئی، پولیس نے واقعے کی تفتیش کا آغاز کر دیا۔
تفصیلات کے مطابق کراچی کے علاقے قائدآباد میں فائرنگ کا واقعہ پیش آیا ، جس میں 6 سالہ بچی جاں بحق ہوگئی۔
پولیس نے بتایا کہ بچی کی شناخت 6 سالہ زینب کے نام سے ہوئی ،بچی کوآنکھ میں گولی لگی، واقعہ3منزلہ عمارت کی بالائی منزل پر7 بجے پیش آیا، بالائی منزل پر دو کمرے اور ایک برآمدہ بنوا ہوا ہے۔
حکام کا کہنا تھا کہ علاقہ مکین کے مطابق مکان میں فائرنگ نہیں ہوئی جبکہ اہلخانہ نے بتایا دور سے فائر کی آوازآئی اورآنکھ میں گولی لگنے سے زینب نے دم توڑ دیا۔
حکام نے مزید بتایا کہ اطلاع پر پولیس پہنچی تواہلخانہ نے جائے وقوع دھو دیا تھا ، بچی کا باپ معذور ہے اور فیکڑی میں کام کرتا ہے۔
پولیس نے واقعے کی تفتیش کا آغاز کر دیا ہے اور ہر پہلو کا جائزہ لیا جارہا ہے۔
