تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

سمندر میں گر کر22گھنٹے گزارنے والا معمر شخص، معجزاتی واقعہ

ٹوکیو : گہرے سمندر میں22گھنٹے رہنے کے بعد معمر شخص کو کیسے بچایا گیا، یہ واقعہ کسی معجزے سے کم نہیں دیکھنے والے حیرت زدہ رہ گئے۔

جاپان میں پبھرے سمندر میں پھنس جانے والے ایک معمر شخص کو 22 گھنٹے بعد بچا لیا گیا، کھلے پانیوں میں بہتے اس شخص کے زندہ بچ جانے کو حکام نے کرشمہ قرار دیا ہے۔

غیر ملکی خبر رساں ادارے کی رپورٹ میں اس 69 سالہ شخص کا نام نہیں بتایا گیا جو مغربی کاگوشیما سے ایک ریزورٹ جزیرے یوکوشیما کی جانب 27 نومبر کی دوپہر کو جارہا تھا جب اس کی بوٹ الٹ گئی۔

A fisherman in Makurazaki, Kagoshima prefecture

کوسٹ گارڈز کے مطابق خوش قسمتی سے وہ جزیرے پر اپنے ایک ساتھی کو کال کرکے خبردار کرنے میں کامیاب ہوگیا مگر اسے لگ بھگ ایک دن تک تلاش نہیں کیا جاسکا۔

کوسٹ گارڈز نے جب اسے تلاش کیا تو اپنی الٹ جانے والی کشتی کے انجن پر بیٹھا ہوا تھا اور اس کے ایک حصے کو مضبوطی سے پکڑے ہوئے تھا۔

ایک کوسٹ گارڈ عہدیدار نے بتایا کہ وہ کھلے سمندر میں تنہا 22 گھنٹے تک زندگی اور موت کی جنگ لڑتا رہا،ہم اس کی ہمت دیکھ کر دنگ رہ گئے۔

کوسٹ گارڈ کی جانب سے ایک ویڈیو بھی جاری کی گئی جس میں دکھایا گیا ہے کہ امدادی ٹیم اس شخص تک پہنچتے ہوئے کہہ رہی ہے کہ ہم آرہے ہیں، بس کچھ دیر صبر کرو اور مضبوطی سے تھامے رہو۔

حکام کے مطابق وہ معمر شخص ایک پلاسٹک شیٹ کو اپنے گرد لپیٹنے میں کامیاب ہوگیا تھا جس کی وجہ سےوہ خود کو ٹھنڈ سے بچانے میں کامیاب ہوا۔ ان کا کہنا تھا کہ یہ کرشمہ ہے کہ وہ بچ گیا ہے اور ان حالات میں بچنا ممکن نہیں ہوتا۔

Comments

- Advertisement -