The news is by your side.

انٹر پری میڈیکل وانجینئرنگ گروپ کے امتحانی نتائج کا اعلان

میرپور خاص تعلیمی بورڈ نے12ویں جماعت کے پری میڈیکل وانجینئرنگ گروپ کے نتائج کا اعلان کردیا، کامیابی کا تناسب 88.47 فیصد رہا۔

تفصیلات کے مطابق ثانوی و اعلیٰ ثانوی تعلیمی بورڈ میرپورخاص کے ناظم امتحانات غلام احمد آرائیں بارہویں جماعت (پری انجینئرنگ اور پری میڈیکل گروپ) کے سالانہ امتحانات کے نتائج کا اعلان کر دیا۔

امتحانی نتائج کا اعلان تعلیمی بورڈ میرپورخاص کے ناظم امتحانات غلام احمد آرائیں نے کیا، امتحانات میں کامیابی کا تناسب 88.47 فیصد رہا۔

12ویں جماعت کے سالانہ امتحانات میں16ہزار521طلبا و طالبات نے حصہ لیا، پہلی پوزیشن طالب علم عابد عالم نے1027 نمبر لے کر حاصل کی۔

تعلیمی بورڈ کے نتائج کے مطابق عبدالصمد کی1026نمبر کے ساتھ دوسری، شاہد نے1025نمبر کے ساتھ تیسری پوزیشن حاصل کی۔

اس کے علاوہ پری میڈیکل گروپ میں پہلی پوزیشن گورنمنٹ علم آکاش کمار نے1029نمبر لے کر حاصل کی جبکہ دوسری پوزیشن طالبہ پاریسہ سجاد، تیسری پوزیشن علم عطا محمد نے حاصل کی۔

Comments

یہ بھی پڑھیں