آپ نے لذیذ کیک تو بے شمار دیکھے ہوں گے جنہیں دیکھتے ہی منہ میں پانی بھر آتا ہے۔ لیکن کیا آپ نے ایسے کیک دیکھے ہیں جنہیں کھانے کے بجائے سجاوٹ کے لیے رکھنے کا دل چاہے؟
روس کی رہائشی مٹھائیاں تیار کرنے والی حلوائی اولگا ایسے کیک تیار کرتی ہیں جو سنگ مرمر کی طرح شفاف ہیں۔
وہ کہتی ہیں انہیں میکرونز (میٹھے بسکٹ) بہت پسند ہیں اور انہی کو ملا کر یہ منفرد کیک تیار کیے گئے ہیں۔
شیشے کی طرح چمکتے ان کیکس میں کیا خاص اجزا ملائے جاتے ہیں؟ اولگا ایک مسکراہٹ کے ساتھ اس سوال کا جواب دینے سے گریز کرتی ہیں۔
عام مٹھائیاں بنانے کے بعد اب یہ کیک اولگا کی شہرت اور دولت کا سبب بن چکے ہیں اور لوگ دور دور سے ان کے کیک خریدنے آتے ہیں۔
