سری نگر: کشمیری حریت رہنما میر واعظ کا کہنا ہے کہ بھارتی حکومت کو سمجھ لینا چاہیےکہ جارحیت سے مسئلے کا حل ممکن نہیں ہے۔
تفصیلات کے مطابق کشمیری حریت رہنما میرواعظ عمرفاروق نے 57 روز کی نظر بندی کےبعد گزشتہ روز جامع مسجد میں خطاب کیا جس میں انہوں نے کہا کہ تشدد کا سلسلہ کب تک جاری رہے گا؟ کتنے مزید لوگ جان سے جائیں گے؟۔
کشمیری رہنما نے سماجی رابطے کی ویب سائٹ ٹویٹر پر اپنے پیغام میں کہا کہ گذشتہ 70 سال سے کشمیر کی عوام اس حقیقت کو جانتے ہوئے پیدا ہوتی ہے،بڑھتی ہے،جیتی ہے اور مر جاتی ہے کہ کشمیر ایک متنازع علاقہ ہے۔
For the past 70years people of Kashmir are born raised live & die with the fact that Kashmir is a disputed place waiting a final resolution pic.twitter.com/TexvYhNY6A
— Mirwaiz Umar Farooq (@MirwaizKashmir) August 18, 2017
میر واعظ عمر فاروق کا اپنے ٹویٹر پیغام میں کہنا ہے کہ کشمیر محض ایک زمین کا ٹکڑا نہیں اور نہ ہی یہ محض دو ملکوں کے درمیان متنازعہ علاقہ ہے بلکہ یہ ایک انسانی المیہ ہے جو اپنے حل ہونے کا منتظر ہے۔
مقبوضہ کشمیر میں بھارتی فوج کی فائرنگ‘ 3 کشمیری شہید
کشمیری رہنما نے اپنے ویڈیو پیغام میں کہا کہ میں بھارتی سیاست دانوں اور سیاسی جماعتوں سے اپیل نہیں کرنا چاہتا میں بھارتی عوام سے اپیل کرنا چاہتا ہوں،ان لوگوں سے جو درد اورتکلیف کا احساس کرسکتے ہیں۔
واضح رہے کہ 11 اگست کو میرواعظ عمرفاروق کا کہنا تھا کہ مسلسل آٹھویں جمعے مجھے جامع مسجد میں خطاب کی اجازت نہیں دی گئی، قیادت کو محدود اور عوام کو قید کرکے ہمیں دھمکایا نہیں جاسکتا۔
For the 8th successive Friday not allowed to deliver sermon at JamaMasjid.Confining leadership & caging people in jails will not browbeat us pic.twitter.com/0Am6bWraGm
— Mirwaiz Umar Farooq (@MirwaizKashmir) August 11, 2017
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
