لاہور: ٹیسٹ ٹیم کے کپتان مصباح الحق کہتے ہیں کپتان بدلنے سے کچھ نہیں ہوگا، کپتان چاہے کسی کو بھی بنا دیں،جب تک ٹیم پرفارم نہیں کریں جیتنا مشکل ہے۔
مصباح الحق نے ون ڈے میں پاکستان کی تنزلی کا ذمہ دار ڈومیسٹک کرکٹ کو قرار دے دیا، اظہرعلی کی حمایت میں مصباح بولے کہ کپتان بدلنے سے کچھ نہیں ہوگا، نئے کپتان کے پاس جادو کی چھڑی نہیں ہوگی،جو راتوں رات ٹیم کی حالت بدل دے۔
مصباح نے مزید کہا کہ شکست کاذمہ دار صرف کپتان کو ٹھہرانا درست نہیں، کپتان کے علاوہ پوری ٹیم اور منجمنٹ بھی نتائج کی برابرذمہ دار ہوتی ہے۔
مصباح نے پی سی بی کو مشورہ دیتے ہوئے کہا کہ ون ڈے کرکٹ کو بہتر بنانے کیلئے ڈومیسٹک سطح پر ون ڈے ٹورنامنٹ میں اضافہ کرنا ہوگا۔
پاکستان کرکٹ بورڈ کے چیف آپریٹنگ آفیسر سبحان احمد نے آج لاہور میں ویسٹ انڈیز اور پاکستان کے درمیان کھیلے جانے والی ون ڈے سیریز کے لوگو کی نمائش کے موقع پر میڈیا سے بات کرتے ہو ئے کہا کہ متحدہ عرب امارات میں پاکستان اور ویسٹ انڈیز کے مابین ہونے والے تین ایک روزہ میچز کی سیریز کے لیے بلے باز اظہر علی کو کپتان برقرا رکھنے کا فیصلہ کیا گیا ہے۔
