لاہور: قومی کرکٹ ٹیم کے سابق کپتان مصباح الحق نے بھی انسانی فلاح و بہبود کے سلسلے میں اپنا حصہ ڈالتے ہوئے بچوں کے لیے ایک اسپتال کے منصوبے کا اعلان کر دیا۔
تفصیلات کے مطابق قومی ٹیم کے نہایت کام یاب کپتان مصباح نے سماجی رابطے کی ویب سائٹ ٹویٹر پر اعلان کرتے ہوئے کہا کہ وہ بچوں کے لیے ایک اسپتال قائم کرنا چاہتے ہیں۔
مصباح الحق نے اپنے ٹویٹ میں کہا کہ اسپتال کا یہ منصوبہ ان بچوں کے لیے ہے جو پیدائشی طور پر دل کے امراض میں مبتلا ہوتے ہیں جنھیں طبی اصطلاح میں congenital heart disease کہا جاتا ہے۔
I'm announcing a children hospital project for children born with congenital heart disease (CHD). It will be an honor if u @Dr_YasminRashid join us @ the launch event on Sep 14th in Lahore @CHDHospital @farhanahmadPK @PSHDept @PHC_Punjab #misbah4PCHF #misbah4childrenhearthospital pic.twitter.com/7E56zhr5Fu
— Misbah Ul Haq (@captainmisbahpk) September 6, 2018
اسلام آباد یونائیٹڈ کے کپتان نے کہا کہ اسپتال کا یہ منصوبہ لاہور میں 14 ستمبر کو شروع کیا جائے گا، انھوں نے پاکستان تحریکِ انصاف کی خاتون رہنما اور وزیرِ صحت ڈاکٹر یاسمین راشد کو بھی دعوت دی کہ وہ افتتاحی تقریب میں شریک ہوں۔
فرسٹ کلاس کرکٹرز کو دی گئی سہولیات انتہائی ناقص ہیں، مصباح الحق کا اظہار برہمی
خیال رہے کہ بچوں کی بیماری CHD صحت کا ایک ایسا مسئلہ ہے جس میں پیدائشی طور پر دل کی ساخت میں نقص رہ جاتا ہے، دل کی دیواریں، شریانیں اور رگیں متاثر ہوسکتی ہیں جس کی وجہ سے خون کی روانی درست طور پر جاری نہیں رہتی۔
واضح رہے کہ قومی کرکٹ ٹیم کے سابق کپتان مصباح الحق نے فرسٹ کلاس کرکٹرز کو بہتر سہولیات کی فراہمی کے سلسلے میں بھی اپنے ٹویٹر اکاؤنٹ سے آواز اٹھائی، ان کا کہنا تھا کہ کھلاڑیوں کو ناقص سہولیات دی جا رہی ہیں۔
