The news is by your side.

Advertisement

ٹیم میں تبدیلیاں ہوں تو کارکردگی میں فرق پڑتا ہے، مصباح الحق

لاہور: قومی کرکٹ ٹیم کے ہیڈ کوچ اور چیف سلیکٹر مصباح الحق نے کہا ہے کہ ٹیم میں تبدیلیاں ہوں تو کارکردگی میں فرق پڑتا ہے، عمر اکمل کو ماضی کی کارکردگی پر موقع دیا گیا۔

تفصیلات کے مطابق قومی کرکٹ ٹیم کے ہیڈ کوچ مصباح الحق نے پریس کانفرنس کرتے ہوئے کہا ہے کہ کوشش کریں گے کھلاڑیوں کو پورا موقع دیں، ورلڈ کپ سے پہلے کھلاڑیوں کو میچوں میں موقع دیں گے۔

مصباح الحق نے کہا کہ فخر زمان کو ون ڈے سیریز میں موقع دیا گیا، ٹی ٹوینٹی میں ڈراپ نہیں کیا، امید ہے عمر اکمل کی کاکرردگی میں بہتری آئے گی، جس کھلاڑی کو ٹیم میں لائے ہیں اس کو پورا موقع دیا جائے گا۔

انہوں نے کہا کہ اوس کی وجہ سے کل میچ میں بال گیال ہوا، تھوڑی مشکلات ہوئیں، جو کھلاڑی ٹیم میں ہو وہ اہم ہوتا ہے، طویل عرصے کے بعد ٹیم میں شامل کھلاڑی کو تھوڑا وقت لگتا ہے۔

مزید پڑھیں: پہلا ٹی ٹوئنٹی، پاکستان کی بیٹنگ لائن بری طرح سے ناکام، سری لنکا نے میچ باآسانی جیت لیا

ہیڈ کوچ نے کہا کہ کوشش کریں گے کل کا میچ جیت کر سیریز برابر کریں، ٹاپ آرڈر کا پرفارم کرنا بہت ضروری ہے، بابر اعظم ٹی ٹوینٹی کے بہترین کھلاڑی ہیں، ٹی 20 کرکٹ میں پہلے 6 اوورز بہت اہم ہیں۔

مصباح الحق نے کہا کہ امید ہے سری لنکن ٹیم دسمبر میں ٹیسٹ میچز کھیلنے پاکستان آئے گی، پاکستان میں ٹیسٹ کرکٹ کا ہونا بہت ضروری ہے، شائقین کرکٹ بھی میدان میں آکر میچ دیکھیں۔

واضح رہے کہ گزشتہ روز سری لنکا نے پاکستان کو پہلے ٹی ٹوینٹی میچ میں 64 رنز سے شکست دے کر تین میچوں کی سیریز میں 1-0 کی برتری حاصل کرلی ہے۔

Comments

comments

یہ بھی پڑھیں