سڈنی ٹیسٹ میں مصباح الحق ہی کپتان ہونگے، ٹیم مینجمنٹ -
The news is by your side.

Advertisement

سڈنی ٹیسٹ میں مصباح الحق ہی کپتان ہونگے، ٹیم مینجمنٹ

لاہور: آسٹریلیا کیخلاف سڈنی ٹیسٹ میں مصباح الحق پاکستان ٹیم کی قیادت برقرار رکھیں گے، ٹیم مینجمنٹ نے تمام قیاس آرائیوں کا جواب دے دیا۔ آسٹریلوی وزیر اعظم سے ظہرانے پر ملاقات میں مصباح الحق نے انہیں سوینئر پیش کیا۔

تفصیلات کے مطابق مصباح الحق کی کپتانی کے حوالے سے تمام قیاس آرائیاں دم توڑ گئیں۔ سڈنی ٹیسٹ میں پاکستان ٹیم کے کپتان مصباح الحق ہی ہونگے۔ ٹیم مینجمنٹ نے واضح جواب دے دیا۔

تین جنوری سے شروع ہونے والے سڈنی ٹیسٹ کی تیاریاں قومی ٹیم پیر سے شروع کریگی۔ سیریز دو صفر سے آسٹریلیا کے نام ہے، لیکن مصباح الحق سڈنی ٹیسٹ کو یادگار بنانا چاہتے ہیں۔

پاکستان کرکٹ ٹیم ہفتے کی شام کو میلبرن سے سڈنی پہنچی۔ پاکستان اور آسٹریلیاء کے درمیان تیسرا کرکٹ ٹیسٹ میچ سڈنی میں کھیلا جائے گا۔

مزید پڑھیں : آؤٹ آف فارم مصباح نے ریٹائرمنٹ کا عندیہ دے دیا

سڈنی پہنچنے پر آسٹریلوی وزیر اعظم نے پاکستان ٹیم کو ظہرانہ پر مدعو کیا۔ میزبان ٹیم کے ساتھ پاکستانی کھلاڑیوں اور آفیشلز نے بھی شرکت کی۔

مزید پڑھیں: قومی کرکٹ‌ ٹیم کے کھلاڑی، آسٹریلوی وزیر اعظم کے خصوصی مہمان

اس موقع پر کپتان مصباح الحق اور کینگروز کے کپتان اسٹیو اسمتھ نے آٹوگراف شدہ بیٹس بطور سونیئرآسٹریلوی وزیراعظم کو پیش کیے۔

Comments

comments

یہ بھی پڑھیں