The news is by your side.

Advertisement

سٹیزن پوررٹل پر پی آئی اے عملے کی 2 مسافر خواتین سے بدتمیزی کی شکایت

کراچی: اسلام آباد سے مانچسٹر جانے والی پرواز میں مسافروں نے سٹیزن پورٹل پر پی آئی اے کے عملے کی بدتمیزی کی شکایت کر دی۔

تفصیلات کے مطابق پی آئی اے کی غیر ملکی پرواز میں دو مسافر خواتین نے عملے کی بدتمیزی کی شکایت کی ہے، خواتین کا کہنا تھا کہ اضافی گنجائش والی سیٹوں پر 60 پاؤنڈز کی ادائیگی کے باوجود جہاز کے عملے نے انھیں بیٹھنے نہیں دیا۔

ذرایع کا کہنا ہے کہ پی آئی اے کے عملے نے بیمار معمر خاتون یاسمین عارف اور ان کی بھتیجی سے غیر مناسب سلوک روا رکھا، خواتین نے شکایت کی کہ اضافی ادائیگی کے باوجود عملے نے انھیں ہراساں کیا۔

یہ بھی پڑھیں:  پی آئی اے کے ٹشو پیپرز کی فروخت کا انکشاف

اے آر وائی نیوز کے نمایندے کے مطابق ذرایع نے کہا ہے کہ کیپٹن انور زیدی اور دیگر عملے نے گراؤنڈ اسٹاف سے کنفرمیشن کی بہ جائے خواتین کو ناحق ہراساں کیا۔ خواتین کو آف لوڈ کرنے کی دھمکی دے کر زائد ادائیگی کے باوجود ان کی سیٹوں سے اٹھایا گیا، اور سیٹیں سفارشی لوگوں کو دے دی گئیں۔ دوسری طرف ضعیف العمر خاتون کمر کی تکلیف سے دہائیاں دیتی رہی۔

خواتین کے ساتھ عملے کی بد تمیزی کی تحریری شکایت پی آئی اے کی ویب سائٹ اور وزیر اعظم پورٹل پر بھی کر دی گئی ہے، ترجمان پی آئی اے کا کہنا ہے کہ اس واقعے کی تحقیقات کی جا رہی ہے، شکایت درست ہوئی تو سخت ایکشن ہوگا، پی آئی اے اپنے کسٹمرز کی عزت نفس پر کوئی سمجھوتا نہیں کرتی۔

Comments

comments

یہ بھی پڑھیں