The news is by your side.

Advertisement

یوکرین: چین نے امریکا کے چہرے سے نقاب ہٹا دیا

بیجنگ: چین کا کہنا ہے کہ امریکا یوکرین کے معاملے میں غلط معلومات پھیلا کر منافقت کر رہا ہے۔

تفصیلات کے مطابق چینی وزارت خارجہ نے کہا ہے کہ امریکا اپنی ذمہ داری سے بچنے کے لیے چین کو بدنام کرنے اور اس کی ساکھ کو نقصان پہنچانے کے لیے یوکرین کے معاملے میں مسلسل غلط معلومات پھیلا رہا ہے، جو کہ منافقانہ اور قابل نفرت عمل ہے۔

وزارت خارجہ کے ترجمان وانگ وین بن نے جمعہ کو ایک رپورٹ کے حوالے سے ایک سوال کے جواب میں ان خیالات کا اظہار کیا۔

ایک نامعلوم سینیئر امریکی دفاعی اہل کار نے کہا تھا کہ چین یوکرین کی صورت حال پر تشویش کا اظہار کرتا رہتا ہے، لیکن وہ دیگر ممالک کی طرح روس کی مذمت کرنے اور پابندیاں عائد کرنے کو تیار نہیں، نہ ہی اس کا یوکرین کے مسئلے کے سفارتی حل کی کسی کوشش میں حصہ لینے کا ارادہ ہے۔

وانگ نے کہا کہ امریکا غلط معلومات کے پرچار سے یوکرین بحران شروع کرنے کی ذمہ داری کو چھپا نہیں سکتا، بلکہ اس سے بحران سے فائدہ اٹھانے کا امریکی ارادہ بے نقاب ہو رہا ہے۔

چینی ترجمان نے امریکی دعوؤں کی قلعی کھولتے ہوئے کہا کہ امریکا ایمان داری سے اپنے اس دعوے کا جواب دے کہ نیٹو کی توسیع کو فروغ دینا امن کی خاطر ہے، کیا اس نے یہ مقصد حاصل کر لیا ہے؟

انھوں نے کہا امریکا کا دعویٰ تھا کہ وہ یورپ میں جنگ کو روکے گا، کیا ایسا کیا گیا؟ امریکا نے بحران کے پُرامن حل کے لیے کوششوں کا دعویٰ کیا، لیکن اس نے فوجی امداد کی فراہمی اور ڈیٹرنس بڑھانے کے علاوہ امن کے لیے کیا کیا ہے؟

Comments

یہ بھی پڑھیں