بدھ, جولائی 2, 2025
اشتہار

یمن : امریکی بحری جہاز پر میزائل حملہ

اشتہار

حیرت انگیز

صنعا: یمن کے شہرالحدیدہ میں امریکی بحری جہاز ’ یو ایس ایس میسن‘ پر پھر میزائل حملہ کیا گیا، میزائل سمندر میں گرا، جس کے باعث جہاز اور عملہ محفوظ رہے۔

امریکی محکمہ دفاع پینٹاگون ترجمان پیٹر کُک کا کہنا ہے کہ یمن کے حوثی باغیوں کے زیر کنٹرول علاقے الحدیدہ بندرگاہ کے قریب کھڑے امریکی جنگی جہاز یو ایس ایس میسن پر میزائل فائر کیا گیا، میزائل سمندر میں گرا، جس کے باعث جہاز اور عملہ محفوظ رہے۔

peter

پینٹاگون کا کہنا ہے کہ گزشتہ اتوار کو بھی یمن کی حدود سے ایسا ہی ایک حملہ کیا گیا تھا جو ناکام رہا تھا، پینٹاگون نے میزائل حملے کا مناسب وقت پر بھرپور انداز میں جواب دینے کا اعلان کیا ہے۔

دوسری جانب امریکی حکام کا کہنا ہے کہ انہیں شبہ ہے کہ یمن میں راڈار اسٹیشن یمنی باغیوں کے زیرکنٹرول ہے، جس کی مدد سے وہ امریکی بحری جنگی جہاز ’یو ایس ایس میسن‘ کی نگرانی کررہے ہیں، جو یمنی باغیوں کو امریکی جنگی بیڑے کی نقل وحرکت کے بارے میں معلومات فراہم کررہا ہے، جس پر وہ جہاز کو نشانہ بنا رہے ہیں۔

غیر ملکی خبر رساں ادارے کے مطابق ایک امریکی عہدیدار کا کہنا ہے ک یمن میں باغیوں کی طرف سے داغے گئے راکٹوں کی تحقیقات کی جا رہی ہیں، لگتا ہے کہ یہ راکٹ چھوٹی کشتی سے داغے گئے ہیں۔

دوسری جانب حوثی باغیوں نے راکٹ حملوں کی تردید کی ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں