تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بھارتی جھوٹ پھر بے نقاب، پاک فوج نے ناقابل تردید ثبوت پیش کردیئے

راولپنڈی : پاک فوج نے بھارت کا جھوٹ ایک بار پھر دنیا کے سامنے بری طرح بےنقاب کردیا، بھارتی مگ21کے چاروں میزائل سیکرز ہیڈز درست حالت میں دکھا دئیے۔

تفصیلات کے مطابق پاک فوج کے ادارے آئی ایس پی آر کے ڈی جی میجر جنرل آصف غفور نے بھارتی جھوٹ کو ایک بار پھر دنیا بھر کے سامنے بری طرح بےنقاب کردیا، گرائے گئےمگ21طیارے کا ملبہ ہی بھارتی جھوٹ کا ثبوت ہے۔

پاکستان نے بھارتی طیارے کے چاروں میزائل سیکر ہیڈز دنیا کے سامنے پیش کردیے۔ سماجی رابطے کی ویب سائٹ ٹوئٹر پر ڈی جی آئی ایس پی آر میجر جنرل آصف غفور نے بھارتی مگ21کے چاروں میزائل سیکرز ہیڈز درست حالت میں دکھا دئیے۔

مذکورہ میزائل کی تصویر جاری کرتے ہوئے ان کا کہنا ہے کہ پاکستان شروع سے ہی ثبوت کے ساتھ بات کررہا ہے، بھارتی مگ 21کےچاروں میزائل سیکر ہیڈز ٹھیک حالت میں ہیں۔

انہوں نے مزید کہا کہ پاکستان کے پاس بھارتی جھوٹ کے خلاف ٹھوس ثبوت موجود ہیں، پاکستان اور مسلح افواج تحمل کا مظاہرہ کر رہے ہیں۔

مزید پڑھیں: امریکی جریدے نے پاکستانی ایف 16طیارہ گرانے کا بھارتی دعویٰ جھوٹا قرار دے دیا

یاد رہے امریکی میگزین فارن پالیسی نے پاکستان کے تمام ایف سولہ طیارے گرانے کا بھارتی دعویٰ جھوٹا قرار دیتے ہوئے ایف سولہ طیارہ موجود ہونے کی تصدیق کردی تھی۔

امریکی میگزین فارن پالیسی کے مطابق پاکستان کی دعوت پر امریکی حکام نے پاکستانی ایف سولہ طیاروں کی گنتی کی تو  وہاں تمام  طیارے موجود تھے، کوئی بھی پاکستانی ایف سولہ طیارہ غائب نہیں تھا، بھارتی حکومت نے عالمی برادری کےسامنے غلط بیانی کی۔

Comments

- Advertisement -