لاہور: سول ایوی ایشن اتھارٹی نے اپنی پیشہ ورانہ کاوشون سے تقریبا 18 لاکھ روپے مالیت کا گمشدہ بیگ حقیقی مالک تک پہنچا دیا۔
تفصیلات کے مطابق پاکستان انٹرنیشنل ائیر لائنز کی فلائٹ PK-748 مدینہ سے واپسی پر مسافر ڈاکٹر نادرا نذیر اپنا بیگ آرائیول لاؤنج میں بھول گئی تھیں۔
سول ایوی ایشن اتھارٹی کا کہنا ہے کہ مسافر کے بیگ میں 43 ہزار سعودی ریال اور 4 عدد ہوائی کمپنی کی ٹیب تھیں۔
لاؤنج سپروائزر شاہد نے بیگ اپنی تحویل میں لے کر شعبہ لاسٹ اینڈ فاؤنڈ آرائیول کے حوالے کیا اور بیگ سے ملنے والی معلومات کے مطابق حقیقی مالک ڈاکٹر نادرا نذیر سے رابطہ کر کے انہیں بلوایا گیا۔
سول ایوی ایشن اتھارٹی کا کہنا ہے کہ چیف آپریٹنگ آفیسر لاہور ائیرپورٹ نذیر احمد خان نے ضروری کارروائی کے بعد بیگ حقیقی مالک کے حوالے کر دیا۔
