تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

لاپتہ برازیلی اداکار لکڑی کے صندوق میں 6 فٹ زیر زمین دفن مل گیا

ریوڈی جنیرو: برازیلی اداکار جیفرسن مچاڈو کی لاش 4 ماہ بعد ایسی حالت میں مل گئی ہے کہ وہ لکڑی کے ایک صندوق میں بند تھی اور صندوق 6 فٹ زیر زمین دفن تھا۔

غیر ملکی میڈیا رپورٹس کے مطابق برازیلی اداکار 44 سالہ جیفرسن مچاڈو کے ساتھ دل دہلا دینے والے سلوک کا انکشاف ہوا ہے، انھیں زنجیروں سے باندھ کر لکڑی کے ایک ڈبے میں بند کر کے دفنا دیا گیا تھا۔

ٹی وی سوپس کے لیے مشہور اداکار مچاڈو تقریباً چار ماہ قبل لاپتہ ہو گئے تھے، جب کہ 9 فروری کو ان کے لاپتہ ہونے کا باضابطہ اعلان کیا گیا تھا، ان کے ریو ڈی جنیرو کے گھر میں ان کے 8 کتے لاوارث پائے گئے تھے، جن میں سے دو مردہ تھے۔

اداکار کی لاش برازیل کے شہر ریو ڈی جنیرو میں ایک گھر کے باہر سے برآمد ہوئی، ان کی آخری بات چیت 29 جنوری کو ہوئی تھی، جب انھوں نے ملازمت کے انٹرویو میں شرکت کے دوران اپنے دوست کے گھر رہنے کا ذکر کیا تھا۔

مچاڈو کا خاندان اس وقت زیادہ فکر مند ہوا جب ان کا ویڈیو کلاؤڈ پاس ورڈ تبدیل کر دیا گیا، اور فون پر ان کی لوکیشن بھی غیر فعال کر دی گئی۔

رپورٹس کے مطابق اداکار کی لاش کو زنجیروں سے باندھ کر لکڑی کے ایک ڈبے میں بند کر کے گھر کے پیچھے زمین میں 6 فٹ نیچے دبا دیا گیا تھا۔ اداکار کی گردن پر پڑے نشانات سے اندازہ لگایا جا رہا ہے کہ انھیں گلا گھونٹ کر مارا گیا جب کہ لاش کے ہاتھ بھی بندھے ہوئے تھے۔

پولیس اداکار کے قتل کی کئی پہلوؤں سے تفتیش کر رہی ہے، یہ بھی معلوم ہوا ہے کہ جس لکڑی کے ڈبے میں اس کی لاش ملی، وہ بھی مچاڈو کی تھی اور اسے ان کے گھر سے اٹھوا کر لایا گیا تھا۔

Comments

- Advertisement -