ریاض: سعودی عرب کے شہر مکہ مکرمہ میں لاپتہ ہونے والی پانچ سالہ بچی رتیل اسعد تین دن بعد گھر پہنچ گئی۔
سعودی میڈیا کے مطابق رتیل اسعد ہفتے کی رات 11 بجے واکنگ ٹریک سے لاپتہ ہوئی تھی۔
بچی کے والدین نے دعویٰ کیا تھا کہ نامعلوم افراد نے بچی کو اغوا کیا ہے، جبکہ سوشل میڈیا پر بچی کی اغوا کے حوالے سے بات کی جارہی تھی، جس کے بعد بچی کی گمشدگی ٹاپ ٹرینڈ بن گئی۔
بچی کی والدہ کا کہنا ہے کہ اغوا کار نے پولیس کی آنکھوں میں دھول جھونکے کے لیے بچی کے بال کاٹ کر اس کا حلیہ بدل دیا تھا۔
سوشل میڈیا پر بچی کی گمشدگی جب ٹاپ ٹرینڈ بننے اور سیکیورٹی الرٹ ہونے کے بعد ملزم نے بچی کو مسجدالحرام کے قریب چھوڑ دیا۔
والدین کا کہنا تھا کہ جب سے وہ روتے روتے تھک گئی ہے اس لیے جب سے بچی گھر آئی مسلسل سو رہی ہے۔
بچی کا کہنا تھا کہ مجھے نہیں پتا اغوا کرنے والے مجھے کہاں لے گئے تھے، دوسری جانب سیکیورٹی اہلکاروں نے جلد ملزم کو پکڑنے کی یقین دہانی کرائی ہے۔
